Zeenat Aman : జీన‌త్ అమ‌న్ మ‌ళ్లీ న‌టించ‌నుందా
సోషల్ మీడియాలో కీల‌క పోస్ట్ షేర్
Zeenat Aman : జీన‌త్ అమ‌న్ అనేస‌రిక‌ల్లా బాలీవుడ్ అల‌నాటి సినిమాలు గుర్తుకు వ‌స్తాయి. ప్ర‌ధానంగా ఆమె న‌టించిన స‌త్యం శివం సుంద‌రం సినిమా ఎప్ప‌టికీ ఎవ‌ర్ గ్రీన్ . గ‌తంలో ఒక వెలుగు వెలిగి వాళ్లు అర్ధాంత‌రంగా సినిమాల నుంచి దూర‌మయ్యారు. మ‌రికొంద‌రు వివిధ రంగాల‌లో స్థిర ప‌డ్డారు. కానీ టాప్ హీరోయిన్లుగా ఉన్న వాళ్లంతా ఇప్పుడు మ‌రోసారి స‌త్తా చాటుతున్నారు. తిరిగి రీ ఎంట్రీ ఇస్తున్నారు. తాజాగా అల‌నాటి అందాల తార జీన‌త్ అమ‌న్ ఆస‌క్తిక‌ర పోస్ట్(Zeenat Aman) షేర్ చేశారు.
ఆమె చేసిన కామెంట్స్ ఇప్పుడు వైర‌ల్ గా మారాయి. మాధురీ దీక్షిత్ , మ‌నీషా కోయిరాలా, ర‌వీనా ఠాండ‌న్ , కాజోల్, నీనా గుప్తా ఇలా చెప్పుకుంటూ పోతే చాలా మంది హీరోయిన్లు తిరిగి న‌టిస్తున్నారు. ఒక‌ప్పుడు సినిమాల‌లోనే న‌టించే వారు. కానీ ఇప్పుడు సీన్ మారింది. ఓటీటీ ప్లాట్ ఫార‌మ్స్ వ‌చ్చాక వెబ్ సీరీస్ ల‌కు ఫుల్ డిమాండ్ పెరిగింది. అంతే కాదు పెద్ద ఎత్తున యూట్యూబ్ లో కూడా స్వంతంగా ఛానెళ్లు కూడా అందుబాటులోకి వ‌చ్చాయి.
ఈ త‌రుణంలో జీన‌త్ అమ‌న్(Zeenat Aman) చేసిన కామెంట్స్ ప్ర‌స్తుతం ప్రాధాన్య‌త సంత‌రించుకున్నాయి. వెండి తెర రార‌మ్మంటూ ఊరిస్తోంది. ఏమో చెప్ప‌లేం. రావ‌చ్చు రాలేక పోవ‌చ్చ‌ని నర్మ‌గ‌ర్భంగా పేర్కొంది జీన‌త్ అమ‌న్. రావాల‌ని ప్లాన్ చేయ‌లేన‌ప్ప‌టికీ దానిని పూర్తిగా తోసి పుచ్చ‌లేన‌ని స్ప‌ష్టం చేసింది. నేను 16 ఏళ్ల నుంచి ఎన్నో ఇబ్బందులు ఎదుర్కొన్నాను. వాటిన్నింటిని మ‌రిచిపోలేక పోతున్నాన‌ని అని తెలిపింది.
Also Read : త‌మిళ్ క‌మెడియ‌న్ క‌న్నుమూత