Janhvi Kapoor NTR 30 : పిచ్చెక్కిస్తున్న జాన్వీ క‌పూర్ ఫ‌స్ట్ లుక్
రార‌మ్మంటూ పిలుస్తున్న ఎన్టీఆర్ 30
Janhvi Kapoor First Look : అల‌నాటి అందాల న‌టి శ్రీ‌దేవి , బోనీ క‌పూర్ ముద్దుల కూతురు జాన్వీ క‌పూర్ ఇప్పుడు హాట్ టాపిక్ గా మారారు. ఆమె మ‌త్తుక‌ళ్ల చూపుల‌తో రిలీజైన ఎన్టీఆర్ 30 పోస్ట‌ర్ హ‌ల్ చ‌ల్ చేస్తోంది. సోష‌ల్ మీడియాలో వైర‌ల్ గా మారింది.
ఇప్ప‌టికే త‌న వ‌య్యారి న‌డ‌క‌తో, వాలుక‌ళ్ల చూపుల‌తో కుర్ర కారును పిచ్చెక్కిస్తూ వ‌స్తోంది ఈ ముద్దుగుమ్మ. మార్చి 6 జాన్వీ క‌పూర్ పుట్టిన రోజు. ఈ అంద‌మైన రోజును పుర‌స్క‌రించుకుని చిత్ర యూనిట్ విడుద‌ల చేయ‌డంతో తార‌క్ ఫ్యాన్స్ , జాన్వీ(Janhvi Kapoor) అభిమానులు తెగ ముచ్చ‌ట ప‌డుతున్నారు.
జాన్వీ క‌పూర్ కు 26 ఏళ్ల. ప్ర‌స్తుతం ఆర్ఆర్ఆర్ మూవీతో పాన్ , ఇంట‌ర్నేష‌న‌ల్ స్టార్ గా మారాడు జూనియ‌ర్ ఎన్టీఆర్. ప్ర‌స్తుతం కొరటాల శివ ద‌ర్శ‌క‌త్వంలో జూనియ‌ర్ న‌టిస్తున్న చిత్రం 30వ‌ది. త‌ను కూడా ఎప్ప‌టి నుంచో చెబుతూ వ‌స్తోంది ఎన్టీఆర్ స‌ర‌స‌న న‌టించాల‌ని ఉంద‌ని. త‌న క‌ల నెర‌వేరింది. ఓ ప‌ల్లెటూరి అమ్మాయిలా ఒదిగి పోయింది జాన్వీ క‌పూర్.
ఫ‌స్ట్ లుక్ పోస్ట‌ర్ కిర్రాక్ తెప్పిస్తోంది. ఈ రాబోయే సినిమాలో ఆమె ప్ర‌ధాన న‌టిగా పేర్కొంది చిత్ర యూనిట్. సినిమాపై మ‌రింత అంచ‌నాలు పెంచారు ద‌ర్శ‌కుడు కొరటాల శివ. జాన్వి క‌పూర్ కు తెలుగు చ‌ల‌న చిత్ర సీమ‌లో ఇదే తొలి సినిమా కావ‌డం విశేషం.
హాఫ్ చీర‌లో నీలి స‌ముద్రపు అందాల‌ను ఆస్వాదిస్తున్న‌ట్టుగా ఉంది చిత్రం(Janhvi Kapoor First Look). ఆమె అద్భుత‌మైన చిరున‌వ్వు, అంత‌కు మించిన ఆక‌ర్ష‌ణ పోస్ట‌ర్ ను చూసేలా చేస్తోంది. ఈ సంద‌ర్భంగా తుఫానులో ప్ర‌శాంత‌త‌కు నిద‌ర్శ‌నం జాన్వీ క‌పూర్ అంటూ కితాబు ఇస్తున్నారు ఫ్యాన్స్.
Also Read : తార‌క్ స‌ర‌స‌న జాన్వీ క‌పూర్