Jay Shah PM Modi : పీఎం మోదీకి జే షా జ్ఞాపిక

Jay Shah PM Modi :  గుజ‌రాత్ లోని అహ్మ‌దాబాద్ లో భార‌త్ ఆస్ట్రేలియా జ‌ట్ల మ‌ధ్య నాలుగో టెస్టు మ్యాచ్ గురువారం ప్రారంభ‌మైంది. ఇప్ప‌టికే నాలుగు టెస్టు మ్యాచ్ ల సీరీస్ లో మూడు మ్యాచ్ లు జ‌రిగాయి. నాగ్ పూర్ , న్యూ ఢిల్లీలో టీమిండియా ఘ‌న విజ‌యాన్ని సాధించింది. ఇండోర్ లో జ‌రిగిన మూడో టెస్టు మ్యాచ్ లో ఆస్ట్రేలియా కోలుకోలేని షాక్ ఇచ్చింది. భార‌త్ పై 9 వికెట్ల తేడాతో గ్రాండ్ విక్ట‌రీని సాధించింది. ఇవాళ ఇరు జ‌ట్ల మ‌ధ్య నాలుగో టెస్టు ప్రారంభ‌మైంది.

ఈ మ్యాచ్ ను చూసేందుకు ప్ర‌త్యేకంగా విచ్చేశారు ఆస్ట్రేలియా ప్ర‌ధాన మంత్రి ఆంథోనీ ఆల్బ‌నీస్ , దేశ ప్ర‌ధాన మంత్రి నరేంద్ర దామోద‌ర దాస్ మోదీ హాజ‌ర‌య్యారు. ఈ సంద‌ర్బంగా ఇరు జ‌ట్ల కెప్టెన్లు, ఆట‌గాళ్ల‌తో క‌ర‌చాల‌నం చేశారు. రోహిత్ శ‌ర్మ‌, స్టీవ్ స్మిత్ ఆట‌గాళ్ల‌ను ప‌రిచ‌యం చేశారు. ఈ సంద‌ర్భంగా ప్ర‌ధాన మంత్రులు మోదీ, ఆల్బనీస్ స్టేడియంలో కొలువు తీరారు. మ్యాచ్ ను వీక్షించారు. పీఎంల‌కు ప్రేక్ష‌కులు పెద్ద ఎత్తున ఘ‌న స్వాగ‌తం ప‌లికారు.

గ‌వ‌ర్న‌ర్ ఆచార్య దేవ‌వ్ర‌త్ , సీఎం భూపేంద్ర ప‌టేల్ , రాష్ట్ర హోం శాఖ మంత్రి హ‌ర్ష్ సంఘ‌వి, భార‌త క్రికెట్ కంట్రోల్ బోర్డు (బీసీసీఐ) చీఫ్ రోజ‌ర్ బిన్నీ, కార్య‌ద‌ర్శి జే షా గ్రాండ్ వెల్ క‌మ్(Jay Shah PM Modi) చెప్పారు. ఈ సంద‌ర్భంగా ప్ర‌ధాన మంత్రి న‌రేంద్ర మోదీకి మోదీ ఫోటోతో కూడిన జ్ఞాపిక (ఫోటో)ను బీసీసీఐ కార్య‌ద‌ర్శి జే షా అంద‌జేశారు. టెస్టు మ్యాచ్ లో భాగంగా ఆస్ట్రేలియా ముందుగా బ్యాటింగ్ కు దిగింది.

Also Read : మోదీ ఆంథోనీ సెంట‌ర్ ఆఫ్ అట్రాక్ష‌న్