Jemimah Rodrigues : జెమీమా రోడ్రిగ్స్ స్ట‌న్నింగ్ క్యాచ్

Jemimah Rodrigues : ముంబై వేదిక‌గా జ‌రుగుతున్న మ‌హిళ‌ల ప్రీమియ‌ర్ లీగ్ లో ఆస‌క్తిక‌ర ప‌రిణామాలు చోటు చేసుకుంటున్నాయి. ముంబై ఇండియ‌న్స్ తో జ‌రిగిన కీల‌క మ్యాచ్ లో ఢిల్లీ క్యాపిట‌ల్స్ 8 వికెట్ల తేడాతో ఓట‌మి పాలైంది. కానీ ఒకే ఒక్క ప్లేయ‌ర్ మాత్రం సెంట‌ర్ ఆఫ్ ది అట్రాక్ష‌న్ గా నిలిచింది.

ముంబై ఇండియ‌న్స్ లో అటు బౌలింగ్ లో ఇటు బ్యాటింగ్ లో దుమ్ము రేపుతున్న ఆస్ట్రేలియా ప్లేయ‌ర్ హేలీ మ్యాథ్యూస్ ను విస్తు పోయేలా చేసింది జెమీమా రోడ్రిగ్స్(Jemimah Rodrigues). ఎవ‌రూ ఊహించ‌ని రీతిలో అద్భుతంగా బంతిని చేతిలోకి తీసుకుని ఆశ్చ‌ర్య ప‌రిచింది.

మ్యాచ్ లో భాగంగా ముందుగా బ్యాటింగ్ కు దిగింది ఢిల్లీ క్యాపిట‌ల్స్ . నిర్ణీత 18 ఓవ‌ర్ల‌లోనే 105 ప‌రుగుల‌కే ఆలౌటైంది. అనంత‌రం బ‌రిలోకి దిగింది ముంబై ఇండియ‌న్స్ . 12వ ఓవ‌ర్ లో అలిస్ క్యాప్సీ వేసిన బంతిని హేలీ మ్యాథ్యూస్ సిక్స్ కొట్టేందుకు య‌త్నించింది. ఆ బాల్ గాలి లోకి వెళ్లింది.

లాంగ్ ఆఫ్ లో ఫీల్డింగ్ చేస్తున్న జెమీమా రోడ్రిగ్స్ ..ఆ బాల్ ను వ‌దిలి పెట్ట‌కుండా ప‌ట్టుకుంది. లేక పోతే ఫోర్ లేదా సిక్స్ గా మారేది. ఢిల్లీ క్యాపిట‌ల్స్ ఓట‌మి పాలైనా జెమీమా రోడ్రిగ్స్(Jemimah Rodrigues) చేసిన ప్ర‌య‌త్నం, ప‌ట్టుకున్న క్యాచ్ మ్యాచ్ కే హైలెట్ గా మార్చేలా చేసింది.

ఇందుకు సంబంధించిన జెమీమా ఫోటోలు ఇప్పుడు సోష‌ల్ మీడియాలో వైర‌ల్ గా మారాయి. హ‌ల్ చ‌ల్ చేస్తున్నాయి. తాము పురుషుల‌కు ఏమీ తీసిపోమంటూ నిరూపిస్తున్నారు మ‌హిళా క్రికెట‌ర్లు. ఫ్యాన్స్ మాత్రం జెమీమాను అభినంద‌న‌ల‌తో ముంచెత్తారు.

Also Read : గుజ‌రాత్ కు షాక్ కెప్టెన్ బెత్ మూనీ ఔట్