Chiranjeevi Balagam : బలగం బృందానికి ‘మెగా’ ప్ర‌శంస
నేటివిటీకి ద‌గ్గ‌రగా ఉంద‌ని కితాబు
Chiranjeevi Balagam : తెలుగు సినిమా రంగంలో ఎవ‌రు అద్భుతంగా తీసినా, ప్ర‌తిభ క‌న‌బ‌ర్చినా ముందుగా అభినంద‌న‌లు తెలియ చేయ‌డంలో ముందంజ‌లో ఉంటారు మెగాస్టార్ చిరంజీవి(Chiranjeevi). వేణు ద‌ర్శ‌క‌త్వంలో వ‌చ్చిన బలగం చిత్రానికి పెద్ద ఎత్తున ప్ర‌శంస‌లు ల‌భిస్తున్నాయి. సినీ ఇండ‌స్ట్రీతో పాటు ఇత‌ర రంగాల‌కు చెందిన ప్ర‌ముఖులు సైతం బ‌లగంను అభినందిస్తున్నారు.
మార్చి 3న విడుద‌లైంది. ఎలాంటి హంగు ఆర్భాటాలు లేకుండానే అద్భుత విజ‌యాన్ని న‌మోదు చేసింది. కమెడియ‌న్ గా మాత్ర‌మే గుర్తింపు పొందిన వేణు ఇవాళ ద‌ర్శ‌కుడిగా త‌న లో మ‌రో టాలెంట్ ఉంద‌ని నిరూపించాడు. బలగం తెలంగాణ సంస్కృతిని, సంప్ర‌దాయాన్ని, దాని జీవితాన్ని ప్ర‌తిబింబించేలా చూపించ‌డంలో స‌క్సెస్ అయ్యాడు ద‌ర్శ‌కుడు. దీనిని దిల్ రాజు నిర్మించారు.
ఊహించ‌ని రీతిలో పెద్ద ఎత్తున ఆద‌రిస్తున్నారు బలగం చిత్రాన్ని. ఈ సంద‌ర్భంగా బలగం టీంను ప్ర‌త్యేకంగా అభినందించారు మెగాస్టార్ చిరంజీవి. ఇందుకు సంబంధించిన ఫోటోల‌ను ఆయ‌న ట్విట్ట‌ర్ వేదిక‌గా పంచుకున్నారు. శాలువా క‌ప్పి స‌న్మానించారు. చాలా బాగా తీశావంటూ వేణును వెన్ను త‌ట్టారు చిరంజీవి(Chiranjeevi Balagam). గ‌తంలో వేణు జ‌బ‌ర్ద‌స్త్ స్కిట్ చూసి ఇంత టాలెంట్ ఉందా తాను విస్తు పోయాన‌ని పేర్కొన్నారు. హీరో ప్ర‌య‌ద‌ర్శి కూడా సింప్లీ సూప‌ర్ గా యాక్ట్ చేశాడంటూ ప్ర‌శంసించారు మెగాస్టార్.
ఇక ఈ సినిమాలో ప్ర‌ధాన పాత్ర పోషించిన ప్రియ‌ద‌ర్శి సైతం త‌న ఆనందాన్ని ట్విట్ట‌ర్ వేదిక‌గా పంచుకున్నారు. మీ సినిమాలు చూసి స్పూర్తి పొందాన‌ని , ఇవాళ మీ వ‌ద్ద నిల‌బ‌డి ప్ర‌శంస‌లు అందుకోవ‌డం ఆనందంగా ఉంద‌న్నారు. ఇందుకు సంబంధించిన వీడియోను త‌ను షేర్ చేశాడు.
Also Read : గ‌ర్వ‌ప‌డాలే త‌ప్పా విమ‌ర్శిస్తారా