Ram Charan Fans : ఆస్కార్ కంటే అభిమానం గొప్ప‌ది

Ram Charan Fans : న‌టుడు రామ్ చ‌ర‌ణ్ ఆస‌క్తిక‌ర వ్యాఖ్య‌లు చేశారు. అమెరికాలో ఆస్కార్ అవార్డ్స్ 2023 కార్య‌క్ర‌మంలో పాల్గొనేందుకు ఆర్ఆర్ఆర్ టీం యుఎస్ కు చేరుకుంది. ఈ సంద‌ర్భంగా మెగాస్టార్ కుటుంబానికి చెందిన అభిమానులు పెద్ద ఎత్తున అమెరికాలో త‌మ న‌టుడిని క‌లుసుకునేందుకు ఉత్సాహం చూపించారు.

ఈ సంద‌ర్భంగా లాస్ ఏంజెల్స్ లో జ‌రిగిన అభిమానుల‌తో(Ram Charan Fans) జ‌రిగిన స‌మావేశంలో రామ్ చ‌ర‌ణ్ పాల్గొన్నారు. కీల‌క వ్యాఖ్య‌లు చేశారు. ఫ్యాన్స్ పెద్ద ఎత్తున త‌ర‌లి వ‌చ్చారు. వారు అడిగిన ప్ర‌శ్న‌ల‌కు ఆయ‌న కూల్ గా స‌మాధానం ఇచ్చారు రామ్ చ‌ర‌ణ్.

ఆస్కార్ అవార్డుల కంటే అభిమానుల ప్రేమ‌, ఆద‌రాభిమానాలు గొప్ప‌వ‌న్నారు. మీ ముందు ఏ పుర‌స్కారాలు ప‌ని చేయ‌వ‌ని చెప్పారు. ఇదిలా ఉండ‌గా ద‌ర్శ‌క ధీరుడు ఎస్ఎస్ రాజ‌మౌళి ద‌ర్శ‌క‌త్వంలో విడుద‌లైన ఆర్ఆర్ఆర్ చిత్రం ప్ర‌పంచ వ్యాప్తంగా జనాద‌ర‌ణ పొందింది. బాక్సులు బ‌ద్ద‌లు కొట్టింది. కోట్ల రూపాయ‌లు వ‌సూళ్లు సాధించింది. ఇదే స‌మ‌యంలో ప్ర‌స్తుతం ఆస్కార్ రేసులో నిలిచింది ఆర్ఆర్ఆర్(RRR).

బెస్ట్ ఒరిజ‌న‌ల్ సాంగ్ కేట‌గిరీలో చంద్ర‌బోస్ రాసిన నాటు నాటు సాంగ్ నిలిచింది. దీనికి ఎంఎం కీర‌వాణి సంగీత ద‌ర్శ‌క‌త్వం వ‌హించారు. రాహుల్ సిప్లిగంజ్, కాల భైర‌వ ప్రాణం పెట్టి పాడారు. ఇదిలా ఉండ‌గా రామ్ చ‌ర‌ణ్ తో సెల్ఫీలు దిగేందుకు పోటీ ప‌డ్డారు. ప్ర‌స్తుతం ఇందుకు సంబంధించిన ఫోటోలు, వీడియోలు సోష‌ల్ మీడియాను షేక్ చేస్తున్నాయి. ఇదిలా ఉండ‌గా ఆర్ఆర్ఆర్ మూవీ మేనియా దునియా అంత‌టా కొన‌సాగుతోంది.

Also Read : లాస్ ఏంజిల్స్ లో రామ్ చ‌ర‌ణ్ సంద‌డి