Balakrishna YS Jagan : ఈ విజ‌యం శుభ సూచ‌కం – బాల‌య్య‌

Balakrishna MLC Results : ఏపీ రాష్ట్రంలో జ‌రిగిన గ్రాడ్యూయేట్ ఎమ్మెల్సీ ఎన్నిక‌ల్లో మూడు సీట్ల‌ను ప్ర‌తిప‌క్ష తెలుగుదేశం పార్టీ కైవ‌సం చేసుకుంది. ఇది అధికారంలో ఉన్న జ‌గ‌న్ రెడ్డికి ఒక ర‌కంగా షాక్ అని చెప్ప‌క త‌ప్ప‌దు. స్థానిక సంస్థ‌ల ఎన్నిక‌ల్లో వైసీపీ స‌త్తా చాటినా గ్రాడ్యూయేట్ల విష‌యానికి వ‌స్తే బోల్తా ప‌డింది. దీంతో టీడీపీ శ్రేణులు సంబురాల్లో మునిగి పోయాయి. మూడు సీట్ల‌లో జ‌య‌కేత‌నం ఎగుర వేయ‌డంపై స్పందించారు ప్ర‌ముఖ న‌టుడు, హిందుపురం ఎమ్మెల్యే నంద‌మూరి బాల‌కృష్ణ‌(Balakrishna MLC Results).

ఇది త‌మ పార్టీకి శుభ సూచ‌క‌మ‌ని పేర్కొన్నారు. ప్ర‌జ‌ల‌లో ఉన్న వ్య‌తిరేక‌త , యువ‌త లో ఉన్న నిరాశ ఈ ఫ‌లితాలు తెలియ చేస్తున్నాయ‌ని షాకింగ్ కామెంట్స్ చేశారు. ఇప్పుడు జ‌గ‌న్ నోట వైనాట్ 175 అనే మాట వినాల‌ని త‌న‌కు ఉంద‌ని ఎద్దేవా చేశారు బాల‌కృష్ణ‌.

ఈ సంద‌ర్బంగా గ్రాడ్యూయేట్ ఎమ్మెల్సీ ఎన్నిక‌ల్లో గెలుపొందిన టీడీపీ అభ్య‌ర్థుల‌కు ప్ర‌త్యేకంగా అభినంద‌న‌లు తెలిపారు బాల‌య్య‌. యువ‌త వైసీపీకి త‌గిన రీతిలో గుణ‌పాఠం చెప్పార‌ని అన్నారు. ఈ ఎన్నిక‌లు ప్ర‌స్తుత ప‌రిస్థితుల్లో రాష్ట్రానికి తెలుగుదేశం పార్టీ ఎంత అవ‌స‌ర‌మో చెప్ప‌క‌నే చెప్పాయ‌న్నారు నంద‌మూరి బాల‌కృష్ణ‌(Balakrishna). పులివెందుల వైసీపీ కోట‌కు బీట‌లు ప‌డ్డాయి. త్వ‌ర‌లో తాడేప‌ల్లి గూడెం ప్యాలెస్ కు చేరుతాయ‌న్న న‌మ్మ‌కం త‌న‌కు ఉంద‌న్నారు ఎమ్మెల్యే.

ఈ ఫ‌లితాల‌ను బ‌ట్టి చూస్తే తిరుగుబాటు మొద‌లైంద‌న్న విష‌యం స్ప‌ష్టంగా తేలింద‌న్నారు నంద‌మూరి బాల‌కృష్ణ‌. ఇక నుంచైనా అధికార పార్టీ మేలుకోవాల‌ని సూచించారు. ప్ర‌జా తీర్పును గౌర‌వించాల‌ని పేర్కొన్నారు.

Also Read : వైసీపీ తీరుపై బాబు ఈసీకి ఫిర్యాదు