SRH vs PBKS IPL 2023 : బోణీ కొట్టిన హైద‌రాబాద్

SRH vs PBKS IPL 2023 : ఐపీఎల్ 16వ సీజ‌న్ లో ఎట్ట‌కేల‌కు స‌న్ రైజ‌ర్స్ హైద‌రాబాద్ తొలి విజ‌యాన్ని న‌మోదు చేసింది. హైద‌రాబాద్ లోని రాజీవ్ గాందీ ఇంట‌ర్నేష‌న‌ల్ మైదానంలో జ‌రిగిన కీల‌క మ్యాచ్ లో వ‌రుస విజ‌యాల‌తో దూసుకు పోతున్న శిఖ‌ర్ ధావ‌న్ పంజాబ్ కింగ్స్ ఎలెవ‌న్ సేన‌కు బిగ్ షాక్ ఇచ్చింది.

ఊహించ‌ని రీతిలో త‌క్కువ స్కోర్ కే క‌ట్ట‌డి చేసింది హైద‌రాబాద్(SRH vs PBKS IPL 2023). బౌల‌ర్ల ధాటికి ఓ వైపు పంజాబ్ వికెట్స్ కూలుతున్నా ఎక్క‌డా త‌గ్గ‌లేదు స్కిప్ప‌ర్ శిఖ‌ర్ ధావ‌న్. అసాధార‌ణ‌మైన ఇన్నింగ్స్ తో ఆక‌ట్టుకున్నాడు. మిగ‌తా జ‌ట్ల కెప్టెన్లు సైతం విస్తు పోయేలా బాధ్యాత‌యుతంగా ఆడాడు. క్రికెట్ ఫ్యాన్స్ మ‌న‌సు దోచుకున్నాడు. విచిత్రం ఏమిటంటే హైద‌రాబాద్ గెలిచినా ప్లేయ‌ర్ ఆఫ్ ది మ్యాచ్ గ‌బ్బ‌ర్ సింగ్ కే ద‌క్కింది.

ఇక మూడు మ్యాచ్ లు ఆడిన హైద‌రాబాద్ రెండింట్లో ఓట‌మి పాలై మూడో మ్యాచ్ లో విజ‌యం సాధించింది. కేవ‌లం 2 వికెట్లు కోల్ప‌యి 8 వికెట్ల తేడాతో గ్రాండ్ విక్ట‌రీ న‌మోదు చేసింది. 9 వికెట్లు కోల్పోయి పంజాబ్ 143 ర‌న్స్ చేసింది. ధావ‌న్ ఒక్క‌డే 99 ర‌న్స్ చేశాడు. ఒకే ఒక్క ప‌రుగు దూరంతో సెంచ‌రీ చేయ‌లేక పోయాడు.

అనంత‌రం 144 ప‌రుగుల ల‌క్ష్యంతో బ‌రిలోకి దిగిన హైద‌రాబాద్ ఆరంభం లోనే వికెట్ కోల్పోయింది. కానీ రాహుల్ త్రిపాఠి దుమ్ము రేపాడు. అద్భుత‌మైన ఇన్నింగ్స్ తో జ‌ట్టును గెలుపు వాకిట్లోకి తీసుకు వెళ్లాడు. త్రిపాఠి 74 ర‌న్స్ చేస్తే కెప్టెన్ ఐడాన్ మార్క్ర‌మ్ 37 ర‌న్స్ తో నాటౌట్ గా నిలిచారు.

Also Read : శుభ్ మ‌న్ గిల్ అరుదైన రికార్డ్