Chandrababu Naidu Jagan : జ‌గ‌న్ పాల‌న‌లో ఏపీ వెనుక‌డుగు
టీడీపీ చీఫ్ ఎన్. చంద్ర‌బాబు నాయుడు
Chandrababu Naidu Jagan : తెలుగుదేశం పార్టీ చీఫ్, మాజీ సీఎం నారా చంద్ర‌బాబు నాయుడు నిప్పులు చెరిగారు. ఆయ‌న మ‌రోసారి ఏపీ సీఎం, వైసీపీ ప్ర‌భుత్వాన్ని టార్గెట్ చేస్తూ సీరియ‌స్ కామెంట్స్ చేశారు. పాల‌న అస్త‌వ్య‌స్తంగా మారింద‌ని, ల్యాండ్, శాండ్ మాఫియాకు అడ్డాగా మారింద‌ని ఆరోపించారు.
ఉమ్మ‌డి కృష్ణా జిల్లాలో చంద్ర‌బాబు నాయుడు(Chandrababu Naidu Jagan) ప‌ర్య‌టిస్తున్నారు. ఈ సంద‌ర్భంగా గుడివాడ ఎమ్మెల్యే కొడాలి నానితో పాటు జ‌గ‌న్ రెడ్డిపై విమ‌ర్శ‌ల వ‌ర్షం కురిపించారు. గ‌త ఎన్నిక‌ల్లో తాము ప‌వ‌ర్ లోకి వ‌చ్చి ఉంటే దేశంలోనే ఏపీని టాప్ లో నిలిపే వార‌మ‌న్నారు. జ‌గ‌న్ కు దోచుకోవ‌డం త‌ప్ప రాష్ట్రాన్ని అభివృద్ది చేయాల‌న్న సంక‌ల్పం లేద‌న్నారు. ఒక ర‌కంగా ఆయ‌న‌కు ఎలాంటి విజ‌న్ లేద‌ని ఎద్దేవా చేశారు.
ఇవాళ ప్ర‌జ‌లు మార్పు కోరుకుంటున్నార‌ని, వారు రాష్ట్రంలో అభివృద్దిని చూడాల‌ని అనుకుంటున్నార‌ని కానీ వేధింపులు, కేసులతో పీల్చి పిప్పి చేస్తున్న ఈ స‌ర్కార్ తిరిగి రాకూడ‌ద‌ని నిశ్చ‌యించు కున్నార‌ని పేర్కొన్నారు నారా చంద్ర‌బాబు నాయుడు.
ఆనాడు త‌మ హ‌యాంలోనే భోగాపురం ఎయిర్ పోర్టు, క‌డ‌ప స్టీల్ ప్లాంట్ కు భూమి పూజ చేశామ‌ని ప్ర‌స్తుత ప్ర‌భుత్వం తిరిగి పూజ‌లు చేస్తోందంటూ మండిప‌డ్డారు. తాను తీసుకు వ‌చ్చిన మ‌ల్ల‌వ‌ల్లి పారిశ్రామిక‌వాడ‌ను గ‌నుక ఈ ప్ర‌భుత్వం చిత్త‌శుద్దితో పూర్తి చేసి ఉంటే దాదాపు 50 వేల మందికి పైగా ఉపాధి దొరికి ఉండేద‌న్నారు చంద్ర‌బాబు నాయుడు(Chandrababu Naidu).
Also Read : ఎర్ర‌కోట‌పై ఎగిరే జెండా మ‌న‌దే – కేసీఆర్