Rohit Sharma Record : హిట్ మ్యాన్ అరుదైన ఘ‌న‌త

Rohit Sharma Record : ముంబై ఇండియ‌న్స్ స్కిప్ప‌ర్ రోహిత్ శ‌ర్మ(Rohit Sharma Record) అరుదైన ఘ‌న‌త సాధించాడు. ఇండియ‌న్ ప్రిమీయ‌ర్ లీగ్ (ఐపీఎల్) 16వ సీజ‌న్ లో హైద‌రాబ‌ద్ వేదిక‌గా స‌న్ రైజ‌ర్స్ హైద‌రాబాద్ తో జ‌రిగిన కీల‌క లీగ్ మ్యాచ్ లో త‌న ఐపీఎల్ కెరీర్ లో 6000 ర‌న్స్ పూర్తి చేశాడు. గ‌త సీజ‌న్ లో నిరాశ ప‌రిచిన రోహిత్ శ‌ర్మ ఈసారి కూడా ఆశించినంత మేర రాణించ‌లేక పోతున్నాడు.

అడ‌పా ద‌డ‌పా ప‌రుగులు చేస్తుండ‌డం ముంబై జ‌ట్టును ఆందోళ‌న క‌లిగిస్తోంది. సిక్స‌ర్ల‌ను బాద‌డంలో త‌న‌కు తానే సాటి అనిపించుకున్నాడు రోహిత్ శ‌ర్మ‌. కానీ భారీ ఇన్నింగ్స్ లు ఆడ‌లేక పోవ‌డం ఒకింత విస్తు పోయేలా చేస్తోంది ఫ్యాన్స్ ను.

ఇక తాజాగా హైద‌రాబాద్ తో జ‌రిగిన కీల‌క పోరులో 18 బంతుల్లో కేవ‌లం 28 ప‌రుగులు మాత్ర‌మే చేసి అన‌వ‌స‌ర షాట్ ఆడ‌బోయి వికెట్ స‌మ‌ర్పించుకున్నాడు. హిట్ మ్యాన్ ను టి. న‌ట‌రాజ‌న్ పెవిలియ‌న్ కు పంపించాడు. ఇక ఈ ప‌రుగుల‌తో 6 వేల క్ల‌బ్ లోకి చేరాడు రోహిత్ శ‌ర్మ‌.

ఈ రికార్డ్ సాధించిన మూడో ఇండియ‌న్ క్రికెట‌ర్ కావ‌డం విశేషం. మొత్తంగా నాలుగో ప్లేయ‌ర్ గా నిలిచాడు. ముంబై ఇండియ‌న్స్ స్కిప్ప‌ర్ ఇప్ప‌టి దాకా 227 ఇన్నింగ్స్ లు ఆడి 6 వేలు సాధించాడు. ఇంత‌కు ముందు ఈ ఫీట్ సాధించిన వారిలో డేవిడ్ వార్న‌ర్ , విరాట్ కోహ్లీ, శిఖ‌ర్ ధావ‌న్ ఉన్నారు.

Also Read : తిల‌క్ వ‌ర్మ ఇంట్లో ‘ముంబై’ సంద‌డి