Chandrababu Naidu : త‌లైవాపై విమ‌ర్శ‌లు త‌గ‌దు

Chandrababu Naidu : ఏపీలో రాజ‌కీయ దుమారం చోటు చేసుకుంది. త‌మిళ‌నాడు సూప‌ర్ స్టార్ ర‌జ‌నీకాంత్ పై వైసీపీ మంత్రులు, నేత‌లు తీవ్ర ఆగ్ర‌హం వ్య‌క్తం చేశారు. బెజ‌వాడ వేదిక‌గా ఏర్పాటు చేసిన ఎన్టీఆర్ శ‌త‌జ‌యంతి ఉత్స‌వాల‌లో పాల్గొన్నారు న‌టుడు త‌లైవా. ఈ సంద‌ర్బంగా కీల‌క వ్యాఖ్య‌లు చేశారు. మాజీ సీఎం చంద్ర‌బాబు నాయుడును(Chandrababu Naidu)  ప్ర‌శంస‌ల‌తో ముంచెత్తారు. ఆయ‌న గొప్ప విజ‌న్ ఉన్న నాయ‌కుడ‌ని పేర్కొన్నారు. దివంగ‌త ఎన్టీఆర్ ను కూడా ప్ర‌స్తావించారు ర‌జ‌నీకాంత్.

న‌టుడిగా త‌మిళ‌నాడులో సూప‌ర్ స్టార్ అని ఏపీలో కాద‌న్నారు. ఒక న‌టుడిగా హాజ‌రైతే త‌మ‌కు అభ్యంత‌రం లేద‌ని కానీ చిల్ల‌ర రాజ‌కీయాలు చేయ‌డం, పొలిటిక‌ల్ కామెంట్స్ చేయ‌డం త‌గ‌ద‌ని పేర్కొన్నారు. దీనిపై సీరియ‌స్ గా స్పందించారు టీడీపీ చీఫ్‌, మాజీ సీఎం నారా చంద్ర‌బాబు నాయుడు.

సోమ‌వారం ట్విట్ట‌ర్ వేదిక‌గా టీడీపీ చీఫ్ పేర్కొన్నారు. సూప‌ర్ స్టార్ ర‌జ‌నీకాంత్(Rajini Kanth) ను వ్య‌క్తిగ‌తంగా విమ‌ర్శ‌లు చేయ‌డం త‌గ‌ద‌ని పేర్కొన్నారు. త‌లైవా దేశంలో గ‌ర్వించ ద‌గిన న‌టుడని కీర్తించారు. ఎక్క‌డా కూడా ఏపీ స‌ర్కార్ పై, సీఎంపై, వైసీపీకి చెందిన మంత్రులు, ఎమ్మెల్యేల‌పై ప‌ల్లెత్తు మాట అన‌లేద‌న్నారు. తామిద్ద‌రి మ‌ధ్య ఉన్న సంబంధం గురించి ప్ర‌త్యేకంగా ప్ర‌స్తావిస్తే త‌ప్పేంటి అంటూ నిల‌దీశారు. త‌మ నేత‌ల‌ను అదుపులో పెట్టుకోవాల‌ని సీఎం జ‌గ‌న్ రెడ్డికి సూచించారు.

Also Read : హామీలు అనేకం చ‌ర్య‌లు శూన్యం