Nara Lokesh : ప్ర‌జా విశ్వాసం కోల్పోయిన జ‌గ‌న్ – లోకేష్
నిప్పులు చెరిగిన టీడీపీ నేత
Nara Lokesh : తెలుగుదేశం పార్టీ అగ్ర నేత నారా లోకేష్ షాకింగ్ కామెంట్స్ చేశారు. ఆయ‌న మ‌రోసారి ఏపీ సీఎం జ‌గ‌న్ రెడ్డిపై నిప్పులు చెరిగారు. శుక్ర‌వారం ఆయ‌న చేప‌ట్టిన యువ గ‌ళం పాద‌యాత్ర నంద్యాలలో కొన‌సాగుతోంది. ఇవాళ్టితో 103 రోజులు పూర్తి చేసుకుంది. ఇప్ప‌టి వ‌ర‌కు నారా లోకేష్ 1300 కిలోమీట‌ర్ల మేర పాద‌యాత పూర్తి చేశారు. ఇంకా ఈ యాత్ర కొన‌సాగుతోంది.
నంద్యాల‌కు చేరుకున్న నారా లోకేష్(Nara Lokesh) కు ఘ‌న స్వాగ‌తం ల‌భించింది. ఈ సంద‌ర్భంగా ప‌ట్ట‌ణంలోని యాతం ఫంక్ష‌న్ హాలు వ‌ద్ద నుంచి యాత్ర ప్రారంభ‌మైంది. పాద‌యాత్ర ప‌ద‌మూడు వంద‌ల కిలోమీట‌ర్లు పూర్తి చేసుకున్న సంద‌ర్బంగా టీడీపీ అధికారంలోకి వ‌చ్చాక నంద్యాలలో ప‌సుపు మార్కెట్ , కోల్డ్ స్టోరేజ్ ఏర్పాటు చేస్తాన‌ని హామీ ఇచ్చారు నారా లోకేష్. ఈ సంద‌ర్బంగా అక్క‌డ ఏర్పాటు చేసిన శిలా ఫ‌ల‌కాన్ని ఆవిష్క‌రించారు.
గ‌త 50 రోజులుగా నారా లోకేష్ కుడి భుజం నొప్పితో బాధ ప‌డుతున్నారు. డాక్ట‌ర్లు సూచించ‌డంతో నంద్యాల మ్యాగ్నా ఎంఆర్ఐ సెంట‌ర్ లో ప‌రీక్ష‌లు చేయించుకున్నారు. అంత‌కు ముందు యాతం ఫంక్ష‌న్ హాలు వ‌ద్ద రైతులతో ముఖా ముఖి స‌మావేశం ఏర్పాటు చేశారు. రైతులతో ప‌లు స‌మ‌స్య‌ల‌పై చ‌ర్చించారు. వారు చేసిన సూచ‌న‌ల‌ను స్వీక‌రించారు. రైతుల‌కు గిట్టుబాటు ధ‌ర క‌ల్పించేందుకు ప్ర‌భుత్వంతో పోరాడుతాన‌ని ప్ర‌క‌టించారు నారా లోకేష్.
Also Read : Kamal Mitra BJP