YS Sharmila KCR : దొర నాట‌కం బీసీల జ‌పం – ష‌ర్మిల
కేసీఆర్ వ‌న్నీ సొల్లు క‌బుర్లే
YS Sharmila KCR : వైఎస్సార్ తెలంగాణ పార్టీ చీఫ్ వైఎస్ ష‌ర్మిల నిప్పులు చెరిగారు. బీఆర్ఎస్ క‌న్వీన‌ర్, తెలంగాణ సీఎం కేసీఆర్ ను ఏకి పారేశారు. శుక్ర‌వారం ష‌ర్మిల ట్విట్ట‌ర్ వేదిక‌గా ప్ర‌శ్న‌లు సంధించారు. ఎన్నిక‌ల స‌మ‌యం వ‌చ్చింద‌ని ఇప్పుడు బీసీల జ‌పం చేస్తున్నాడంటూ ఆరోపించారు. ఇదంతా కేవ‌లం ఓట్ల కోసం త‌ప్ప మ‌రొక‌టి కాద‌ని ఎద్దేవా చేశారు ష‌ర్మిల.
ఇప్ప‌టికే ద‌ళిత బంధు పేరుతో ద‌ళితుల‌ను మోసం చేశాడ‌ని, ఇప్పుడు మ‌రో కొత్త నినాదం అందుకున్నాడంటూ మండిప‌డ్డారు. ఓట్ల కోసం ల‌క్ష సాయం చేస్తానంటూ నయా వంచ‌న‌కు తెర తీశాడంటూ నిప్పులు చెరిగారు వైఎస్ ష‌ర్మిల.
గిరిజ‌న బంధు అంటూ ఊరించి అడ‌వి బిడ్డ‌ల‌ను ఆగ‌మాగం చేశాడ‌ని ఆవేద‌న వ్య‌క్తం చేశారు. గ‌తంలో ఎన్న‌డూ ప‌ల్లెత్తు మాట ప‌ల‌క‌ని కేసీఆర్ ఇప్పుడు ఉన్న‌ట్టుండి బీసీలు గుర్తుకు వ‌చ్చారా అని నిల‌దీశారు . 9 ఏళ్లుగా బీసీల‌కు రావాల్సిన నిధుల‌ను కావాల‌ని ప‌క్క‌దారి ప‌ట్టించాడ‌ని ఆరోపించారు ష‌ర్మిల.
బ‌డ్జెట్ లో కేటాయించారే కానీ ఒక్క పైసా బీసీల కోసం ఖ‌ర్చు చేయ‌లేద‌ని ధ్వ‌జ‌మెత్తారు. స్వ‌యం ఉపాధి రుణాల కోసం 6 ల‌క్ష‌ల మంది బీసీ యూత్ ఎదురు చూస్తుంటే ఒక్క‌రికి రుణం ద‌క్క‌లేద‌న్నారు వైఎస్ ష‌ర్మిల.
Also Read : Nara Lokesh