Bhatti Vikramarka : అవినీతి పాల‌న‌ను పాత‌రేద్దాం – భ‌ట్టి
బీఆర్ఎస్ అంతం కాంగ్రెస్ పంతం
Bhatti Vikramarka : రాష్ట్రంలో అవినీతి పాల‌న కొన‌సాగుతోంద‌ని దీనిని అంతం చేసేందుకు పోరాటం చేయాల‌ని పిలుపునిచ్చారు సీఎల్పీ నేత మ‌ల్లు భ‌ట్టి విక్ర‌మార్క. ఆయ‌న చేప‌ట్టిన పీపుల్స్ మార్చ్ పాద‌యాత్ర 1,000 కిలోమీట‌ర్లు పూర్త‌యింది. ప్ర‌స్తుతం తెలంగాణ‌లోని న‌ల్లగొండ జిల్లాలో కొన‌సాగుతోంది. ఆయ‌న‌కు సాద‌ర స్వాగ‌తం ప‌లికారు కాంగ్రెస్ పార్టీకి చెందిన మాజీ మంత్రి, ప్ర‌స్తుత ఎంపీ కోమ‌టిరెడ్డి వెంక‌ట్ రెడ్డి.
ఈ సంద‌ర్బంగా ప్ర‌జ‌ల‌ను ఉద్దేశించి ప్ర‌సంగించారు మ‌ల్లు భ‌ట్టి విక్ర‌మార్క. రాష్ట్రంలో క‌ల్వ‌కుంట్ల పాల‌న సాగుతోంద‌ని , తాము అధికారంలోకి వ‌చ్చాక ప్ర‌జ‌ల నుంచి దోచుకున్న సొమ్మును క‌క్కిస్తామ‌ని ప్ర‌క‌టించారు. ఇందిర‌మ్మ రాజ్యం తీసుకు వ‌స్తామ‌ని, ఇంటింటా సౌభాగ్యం క‌లిగించేలా ప్ర‌య‌త్నం చేస్తామ‌న్నారు.
నీళ్లు, నిధులు, నియామ‌కాల పేరుతో కోరి తెచ్చుకున్న తెలంగాణ రాష్ట్రంలో ఒక్క పోస్టు ఇంత వ‌ర‌కు భ‌ర్తీ చేసిన పాపాన పోలేద‌న్నారు మ‌ల్లు భ‌ట్టి విక్ర‌మార్క(Bhatti Vikramarka). తాను చేప‌ట్టిన ఈ పీపుల్స్ యాత్ర‌కు దేశంలోని అణ‌గారిన వ‌ర్గాల ఆర్థిక, సామాజిక సాధికార‌త కోసం త‌న జీవితాన్ని త్యాగం చేసిన డాక్ట‌ర్ బాబా సాహెబ్ అంబేద్క‌ర్ బాట‌లో కొన‌సాగుతోంద‌ని చెప్పారు.
రాష్ట్రంలో వ్య‌వ‌స్థ‌ల‌ను నిర్వీర్యం చేసి పాల‌న సాగిస్తున్న సీఎం కేసీఆర్ కు ప్ర‌జ‌లు త‌గిన రీతిలో బుద్ది చెప్పాల‌ని పిలుపునిచ్చారు సీఎల్పీ నేత.
Actor Gopichand : విల‌క్ష‌ణ న‌టుడు గోపీచంద్