Bandi Sanjay JP Nadda : 25న బీజేపీ చీఫ్ జేపీ న‌డ్డా స‌భ
ఏర్పాట్లు ప‌రిశీలించిన బండి
Bandi Sanjay JP Nadda : తెలంగాణ‌లో త్వ‌ర‌లో ఎన్నిక‌లు రానున్నాయి. భార‌తీయ జ‌న‌తా పార్టీ ప‌వ‌ర్ లోకి రావాల‌ని ప్ర‌య‌త్నం చేస్తోంది. ఇప్ప‌టికే ఉప ఎన్నిక‌లు, జీహెచ్ఎంసీ ఎన్నిక‌ల్లో స‌త్తా చాటింది. కాంగ్రెస్ ప్ర‌త్యామ్నాయం కాద‌ని తామే బీఆర్ఎస్ కు గ‌ట్టి పోటీదారుమ‌ని చెబుతోంది బీజేపీ. ఇప్ప‌టికే స్టేట్ చీఫ్ బండి సంజ‌య్ దూకుడు పెంచారు. విస్తృతంగా ప‌ర్య‌టిస్తున్నారు.
ఇక ప్ర‌ధాన మంత్రి న‌రేంద్ర మోదీ కొలువు తీరి 9 ఏళ్ల‌వుతోంది. ఇందులో భాగంగా సాధించిన విజ‌యాల‌ను ఏక‌రువు పెడుతూ పెద్ద ఎత్తున ప్ర‌చారం చేస్తోంది. గ‌త మే నెల 30 నుంచి జూన్ 30 వ‌ర‌కు ఈ విజ‌యోత్స‌వాల‌ను దేశ వ్యాప్తంగా జ‌రుపుతోంది. ఇప్ప‌టికే ఏపీలో అమిత్ షా, జేపీ న‌డ్డా(JP Nadda) ప‌ర్య‌టించారు. కేంద్ర మంత్రులు సైతం ప‌ర్యటించనున్నారు.
ఇక జూన్ 25న నాగ‌ర్ క‌ర్నూలులో భార‌తీయ జ‌న‌తా పార్టీ ఆధ్వ‌ర్యంలో స‌భ నిర్వ‌హించ‌నున్నారు. ఈ స‌మావేశానికి ముఖ్య అతిథిగా ఆ పార్టీ చీఫ్ జేపీ న‌డ్డా రానున్నారు. ఇందులో భాగంగా స‌భ ఏర్పాట్ల‌ను ప‌రిశీలించారు బీజేపీ రాష్ట్ర అధ్య‌క్షుడు బండి సంజ‌య్. స‌భ‌కు జ‌నాన్ని భారీగా త‌ర‌లించాల‌ని, విజ‌య‌వంతం చేయాల‌ని పిలుపునిచ్చారు. ఈ స‌మావేశంలో కీల‌క నాయ‌కులు పాల్గొన్నారు. కార్య‌క‌ర్త‌లు, శ్రేణులు , నాయ‌కులు విస్తృతంగా పాల్గొనాల‌ని కోరారు బండి సంజ‌య్.
Also Read : RS Praveen Kumar : బ‌హుజనులు ఏక‌మైతేనే రాజ్యాధికారం