Ambati Rambabu : ప‌వ‌న్ క‌ళ్యాణ్ పై 7 సినిమాలు
వెల్ల‌డించిన ఏపీ మంత్రి అంబ‌టి
Ambati Rambabu : ఏపీ నీటి పారుద‌ల శాఖ మంత్రి అంబ‌టి రాంబాబు సంచ‌ల‌న వ్యాఖ్య‌లు చేశారు. బుధ‌వారం ఆయ‌న మీడియాతో మాట్లాడారు. జ‌న‌సేన పార్టీ చీఫ్ , ప‌వ‌ర్ స్టార్ ప‌వ‌న్ క‌ళ్యాణ్ పై నిప్పులు చెరిగారు. ప‌వ‌న్ క‌ళ్యాణ్ తీసిన బ్రోకు పోటీగా తాము ఎమ్మార్వో సినిమా తీస్తామ‌ని అన్నారు.
Ambati Rambabu Comments
ఎంఆర్ఓతో పాటు ప‌వ‌న్ క‌ళ్యాణ్ మీద మొత్తం రాబోయే రోజుల్లో 7 సినిమాలు తీయబోతున్నట్లు ప్ర‌క‌టించారు అంబ‌టి రాంబాబు(Ambati Rambabu). ఇందుకు సంబంధించి ఏయే సినిమాలో కూడా వెల్ల‌డించారు. ఆ చిత్రాల‌కు సంబంధించిన టైటిళ్లు కూడా తెలిపారు ఏపీ మంత్రి.
ఎంఆర్ఓ , నిత్య పెళ్లి కొడుకు, పెళ్లిళ్లు పెటాకులు, తాళి – ఎగ‌తాళి, మూడు ముళ్లు ఆరు పెళ్లిళ్లు, భార్య ప్రావీణ్యుడు, అయిన పెళ్ళిళ్లు ఎన్నో- పోయిన చెప్పులు ఎన్నో పేర్లతో సినిమాలు తీయబోతున్నట్లు స్ప‌ష్టం చేశారు అంబ‌టి రాంబాబు.
ఇదిలా ఉండ‌గా స‌ముద్ర ఖ‌ని తీసిన బ్రో ది అవ‌తార్ లో సంబరాల శ్యాంబాబు పేరుతో అంబ‌టి రాంబాబును చొప్పించారు. ఆయ‌న‌కు వ్య‌తిరేకంగా కొన్ని డైలాగులు కూడా వాడారు. దీంతో బ్రో సినిమాను టార్గెట్ చేశారు ఏపీ మంత్రి. అంతే కాదు బ్రో సినిమాకు అక్ర‌మ ఫండింగ్ ఉందంటూ , కేంద్ర ద‌ర్యాప్తు సంస్థ‌ల‌కు ఫిర్యాదు చేయ‌నున్న‌ట్లు ప్ర‌క‌టించారు.
Also Read : Satya Pal Malik Modi : ప‌వ‌ర్ కోసం మోదీ ఏమైనా చేస్తాడు