Pawan Kalyan : జ‌గ‌న్ దేవుడు కాదు దెయ్యం – ప‌వ‌న్

Pawan Kalyan : ఏపీ సీఎం జ‌గ‌న్ మోహ‌న్ రెడ్డిపై సంచ‌ల‌న వ్యాఖ్య‌లు చేశారు జ‌న‌సేన పార్టీ చీఫ్ ప‌వ‌న్ క‌ళ్యాణ్(Pawan Kalyan). మూడో విడత వారాహి విజ‌య యాత్ర‌లో భాగంగా గాజువాక‌లో ప్ర‌జ‌ల‌ను ఉద్దేశించి ప్ర‌సంగించారు. న‌మ్మి సీఎంగా అవ‌కాశం ఇస్తే రాష్ట్రాన్ని వ‌ల్ల‌కాడులా మార్చేశాడ‌ని ఆరోపించారు. దెయ్య‌మై ప‌ట్టి పీడిస్తున్నాడ‌ని వాపోయారు. ఎన్ని వేషాలు వేసినా జ‌గ‌న్ ను మ‌రో ఆరు నెల‌ల పాటు భ‌రించ‌క త‌ప్ప‌ద‌న్నారు ప‌వ‌న్ క‌ళ్యాణ్.

Pawan Kalyan Slams YS Jagan

ప్ర‌జ‌లు స్వ‌చ్చంధంగా వ‌స్తున్నారు. ఇక సీఎం ప‌ద‌వి ఖాళీ చేయాల్సిన అవ‌స‌రం ఉందన్నారు. కొండ‌ల‌పై ఉండాల్సింది దేవుళ్లు..క్రిమిన‌ల్స్ కాద‌ని మండిప‌డ్డారు. విశాఖ స్టీల్ ప్లాంట్ పై మాట్లాడేందుకు సైతం జ‌గ‌న్ జంకుతున్నాడ‌ని ధ్వ‌జ‌మెత్తారు. పార్ల‌మెంట్ లో ప్ల కార్డులు ప‌ట్టుకోలేని స్థితిలో ఉన్నారంటూ ఎద్దేవా చేశారు ప‌వ‌న్ క‌ళ్యాణ్.

జ‌నసేనకు ఛాన్స్ ఇవ్వండి. ప్ర‌జా రంజ‌క పాల‌న అంద‌జేస్తామ‌న్నారు. ఎన్నిక‌ల‌కు ముందు బుగ్గలు నిమిరాడు. ముద్దులు పెట్టాడు. కానీ జ‌నం చెవుల్లో పూలు పెట్టాడంటూ జ‌గ‌న్ రెడ్డిని ఏకి పారేశారు. తాను కేంద్ర పెద్ద‌ల‌తో మాట్లాడ‌న‌ని, విశాఖ ఉక్కు క‌ర్మాగారాన్ని ప్రైవేటీక‌ర‌ణ చేయొద్దంటూ కోరాన‌ని చెప్పారు ప‌వ‌న్ క‌ళ్యాణ్.

Also Read : Yarlagadda Venkata Rao : గ‌న్న‌వ‌రంలో ఉంటా తేల్చుకుంటా