Vijay Devarakonda : సింహాచలం స‌న్నిధిలో విజ‌య్
ఖుషీ సినిమా స‌క్సెస్ సంద‌ర్భంగా
Vijay Devarakonda : శివ నిర్వాణ ద‌ర్శ‌క‌త్వం వ‌హించిన ఖుషీ చిత్రం అనూహ్యంగా విజ‌యం సాధించింది. వ‌ర‌ల్డ్ వైడ్ గా సెప్టెంబ‌ర్ 1న విడుద‌లైంది. పాజిటివ్ టాక్ తెచ్చుకుంది. ఏకంగా రూ. 100 కోట్ల క్ల‌బ్ లోకి చేరుకునేందుకు ప‌రుగులు తీస్తోంది. మ్యూజిక‌ల్ గా బ్లాక్ బ‌స్ట‌ర్ గా నిలిచింది.
Vijay Devarakonda Visited Simhachalam
ఖుషీ చిత్రానికి క‌థ, స్క్రీన్ ప్లే, పాట‌లతో పాటు ద‌ర్శ‌క‌త్వం వ‌హించారు శివ నిర్వాహ‌ణ. ఇక పూరీ జ‌గ‌న్నాథ్ ద‌ర్శ‌క‌త్వంలో వ‌చ్చిన లైగ‌ర్ ఆశించిన మేర ఆడ‌లేదు. ఇందులో న‌టించిన విజ‌య్ దేవ‌ర‌కొండ‌కు ఈ చిత్రం మైన‌స్ గా నిలిచింది.
ఆ త‌ర్వాత చేసిన ఖుషీపై కూడా స్టార్టింగ్ నెగటివ్ టాక్ వ‌చ్చినా అనూహ్యంగా ప్రేక్ష‌కుల‌కు బ్ర‌హ్మ‌ర‌థం ప‌ట్టారు ఫ్యాన్స్ మూవీకి. మైత్రీ మూవీ మేక‌ర్స్ దీనిని నిర్మించారు. వారి సంతోషానికి అవ‌ధులు లేకుండా పోయాయి. ఇక హైద‌రాబాద్ ఖుషీ బ్లాక్ బ‌స్ట‌ర్ పేరుతో సెల‌బ్రేష‌న్స్ చేప‌ట్టారు.
ఇదిలా ఉండ‌గా ఖుషీ చిత్రాన్ని ఆద‌రించినందుకు, భారీ స‌క్సెస్ ఇచ్చినందుకు ధ‌న్య‌వాదాలు తెలిపారు న‌టుడు విజ‌య్ దేవ‌ర‌కొండ(Vijay Devarakonda). అంతే కాదు వ‌చ్చిన ఫీజులోంచి రూ. 1 కోటి ఫ్యాన్స్ కుటుంబాల‌కు ఇస్తానంటూ ప్ర‌క‌టించాడు.
మంగ‌ళవారం ఖుషీ విజ‌యాన్ని పుర‌స్క‌రించుకుని విజ‌య్ దేవ‌ర‌కొండ సింహాచలం ఆల‌యాన్ని సంద‌ర్శించారు. స్వామి వారి ఆశీస్సులు పొందారు. ఆయ‌న‌కు ఆల‌య నిర్వాహ‌కులు సాద‌ర స్వాగ‌తం ప‌లికారు.
Also Read : Heavy Rains : భారీ వ‌ర్షం జర భ‌ద్రం