Ambati Ram Babu : లోకేష్ లొకేష‌న్ ఎక్క‌డ
మంత్రి అంబ‌టి రాంబాబు
Ambati Ram Babu : గుంటూరు – ఏపీ రాష్ట్ర నీటి పారుద‌ల శాఖ మంత్రి అంబ‌టి రాంబాబు షాకింగ్ కామెంట్స్ చేశారు. ట్విట్ట‌ర్ వేదిక‌గా సోమవారం స్పందించారు. ఆయ‌న టీడీపీ చీఫ్ నారా చంద్ర‌బాబు నాయుడును , ఆయ‌న త‌న‌యుడు నారా లోకేష్ ను ఏకి పారేశారు.
ఓ వైపు తండ్రి అడ్డంగా ఏపీ స్కిల్ స్కాంలో ఇరుక్కున్నాడ‌ని, ఇక ఆయ‌న‌కు జైలే గ‌తి అని పేర్కొన్నారు. మ‌రోవైపు ఫైబ‌ర్ నెట్ , ఇన్న‌ర్ రింగ్ రోడ్డు వ్య‌వ‌హారంలో నారా లోకేష్ పాత్ర ఉంద‌ని ఇప్ప‌టికే సీఐడీ స్ప‌ష్టం చేసింద‌న్నారు మంత్రి అంబ‌టి రాంబాబు.
Ambati Ram Babu Slams Nara Lokesh
అరెస్ట్ చేస్తార‌న్న భ‌యంతో ఢిల్లీలో ఎక్క‌డెక్కడో తిరుగుతున్నాడ‌ని , ఇంత‌కూ త‌న లొకేష‌న్ తెలియ‌క పార్టీ శ్రేణులు తిక‌మ‌క ప‌డుతున్నాయంటూ ఎద్దేవా చేశారు. ఈ సంద‌ర్భంగా అంబ‌టి రాంబాబు(Ambati Ram Babu) చేసిన ట్వీట్ ఇప్పుడు వైర‌ల్ గా మారింది. హ‌లో ..లోకేష్ నీ లొకేష‌న్ ఎక్క‌డమ్మా ఉంటే చెప్పు అంటూ పేర్కొన్నారు.
ఓ వైపు తండ్రి జైలులో ఉంటే లోకేష్ ఢిల్లీలో ఉండి ఏం చేస్తున్నారంటూ ప్ర‌శ్నించారు. మ‌రో వైపు ఏపీ సీఐడీ రెండు రోజుల పాటు చంద్ర‌బాబు నాయుడును రాజ‌మండ్రి జైలులోనే విచారించింది. ప్ర‌శ్న‌ల వ‌ర్షం కురిపించింది. కానీ ఏ ఒక్క దానికి స‌రైన స‌మాధానం ఇవ్వ‌లేద‌ని సీఐడీ పీపీ సంచ‌ల‌న ఆరోప‌ణ‌లు చేయ‌డం విశేషం.
Also Read : Ram Gopal Varma : చంద్ర‌బాబుపై ఆర్జీవీ సెటైర్