Vijayashanthi : శాపంగా మారిన కేసీఆర్ పాల‌న
బీజేపీ నేత విజ‌య‌శాంతి షాకింగ్ కామెంట్స్
Vijayashanthi : హైద‌రాబాద్ – భార‌తీయ జ‌న‌తా పార్టీ సీనియ‌ర్ నాయ‌కురాలు విజ‌య‌శాంతి సంచ‌ల‌న వ్యాఖ్య‌లు చేశారు. ఆమె మ‌రోసారి సీఎం కేసీఆర్ ను, ఆయ‌న ప్ర‌భుత్వాన్ని ఏకి పారేశారు. ఇవాళ విజ‌య‌శాంతి మీడియాతో మాట్లాడారు.
భార‌త రాష్ట్ర స‌మితి ప్ర‌భుత్వ పాల‌న శాపంగా మారింద‌ని ఆవేద‌న వ్య‌క్తం చేశారు. ఎంద‌రో రాష్ట్రం కోసం బ‌లిదానం చేసుకున్నార‌ని కానీ రాష్ట్ర ప్ర‌జ‌ల ఆకాంక్షలు మాత్రం నెర‌వేర లేద‌ని వాపోయారు.
Vijayashanthi Comments on KCR
ఇవాళ రాష్ట్రంలో 2 ల‌క్ష‌ల‌కు పైగా జాబ్స్ ఖాళీగా ఉన్నాయ‌ని ఇప్ప‌టి వ‌ర‌కు ఒక్క పోస్టు కూడా భ‌ర్తీ చేసిన దాఖ‌లాలు లేవ‌న్నారు. ఎలాగైనా స‌రే రాబోయే ఎన్నిక‌ల్లో గెలిచేందుకు నానా కుయుక్తులు ప‌న్నే ప‌నిలో కేసీఆర్ బిజీగా ఉన్నార‌ని ఆయ‌న ఆట‌లు సాగ‌వ‌న్నారు విజ‌య‌శాంతి.
సంక్షేమ ప‌థ‌కాల పేరుతో ప్ర‌జ‌లను మోసం చేస్తున్నార‌ని, కానీ ఎక్కువ కాలం బీఆర్ఎస్ ఉండ‌ద‌ని జోష్యం చెప్పారు. తాను ఏం చెబితే తెలంగాణ ప్ర‌జ‌లు న‌మ్ముతున్నార‌ని కేసీఆర్ భావిస్తున్నార‌ని కానీ కాలం ఆయ‌న‌కు చుక్క‌లు చూపించ‌డం ఖాయ‌మ‌ని పేర్కొన్నారు.
తెలంగాణ ఉద్య‌మంలో ముందు నుంచీ తాను పాల్గొంటూ వ‌చ్చాన‌ని, మోసం చేయ‌డంలో కేసీఆర్ ను మించిన నాయ‌కుడు ఎవ‌రూ లేర‌ని మండిప‌డ్డారు విజ‌య శాంతి(Vijayashanthi). ఇవాళ కేసీఆర్ పాల‌న అస్త‌వ్య‌స్తంగా త‌యారైంద‌ని ఆరోపించారు.
Also Read : Arvind Kejriwal : మోదీకి నిద్ర ప‌ట్ట‌డం లేదు – కేజ్రీవాల్