Pawan Kalyan : జ‌గ‌న్ పిల్ల వేషాలు ఇక చెల్ల‌వు

Pawan Kalyan : అవ‌నిగ‌డ్డ – ఏపీ సీఎం జ‌గ‌న్ మోహ‌న్ రెడ్డిపై నిప్పులు చెరిగారు జ‌న‌సేన పార్టీ చీఫ్ ప‌వ‌న్ క‌ళ్యాణ్. రాబోయే ఎన్నిక‌ల్లో ప‌రాజ‌యం తప్ప‌ద‌న్నారు. ప్ర‌జ‌లు మార్పు కోరుకుంటున్నార‌ని ఇక రాబోయేది జ‌న‌సేన‌, తెలుగుదేశం పార్టీ సంకీర్ణ ప్ర‌భుత్వ‌మేన‌ని జోష్యం చెప్పారు జ‌నసేనాని.

Pawan Kalyan Serious Comments on YS Jagan

2024లో వ‌చ్చేది సంకీర్ణ‌, సుస్థిర ప్ర‌భుత్వ‌మ‌ని పేర్కొన్నారు. వైసీపీ వైర‌స్ కు స‌రైన చికిత్స కు జ‌న‌సేన‌(Janasena), తెలుగుదేశం పార్టీ క‌లిసిన వ్యాక్సిన్ అని స్ప‌ష్టం చేశారు ప‌వ‌న్ క‌ళ్యాణ్. రాష్ట్రంలో వ‌చ్చే ఎన్నిక‌ల్లో వైసీపీకి 15 సీట్లు వ‌స్తే గొప్ప అని సెటైర్ వేశారు. రోజు రోజుకు జ‌గ‌న్ రెడ్డి పిల్ల వేషాలు ఎక్కువై పోయాయ‌ని మండిప‌డ్డారు.

ప్ర‌జ‌ల దాహం తీర్చే గ్లాసు..వారిని గ‌మ్యం చేర్చే సైకిల్ ఒక్క‌ట‌య్యాయ‌ని ఇక వైసీపీకి చుక్క‌లు చూపించ‌డం ఖాయ‌మ‌న్నారు ప‌వ‌న్ క‌ళ్యాణ్. క‌రెంట్ ఛార్జీల మోత‌తో ఫ్యాన్లు తిర‌గ‌డం ఆగి పోయాయ‌ని పేర్కొన్నారు. రాబోయే కురుక్షేత్రంలో పాండ‌వులు, కౌరవుల మ‌ధ్య యుద్దం జ‌ర‌గ బోతోంద‌న్నారు.

నిరుద్యోగ యువ‌త‌కు అండ‌గా ఉంటామ‌ని, రైతుల‌ను ఆదుకుంటామ‌ని చెప్పారు. కృష్ణా జిల్లా అవ‌నిగ‌డ్డ‌లో జ‌రిగిన బ‌హిరంగ స‌భ‌లో ప‌వ‌న్ క‌ళ్యాణ్ ప్ర‌సంగించారు. జ‌గ‌న్ ను జ‌నం ఛీ కొట్ట‌డం త‌ప్ప‌ద‌న్నారు.

Also Read : Vemula Veeresham : వీరేశం విజ‌యం ఖాయం