Ambati Ram Babu : వాళ్లు పొలిటిక‌ల్ బఫూన్స్
మంత్రి అంబ‌టి రాంబాబు
Ambati Ram Babu : ఏపీ నీటి పారుద‌ల శాఖ మంత్రి అంబ‌టి రాంబాబు షాకింగ్ కామెంట్స్ చేశారు. రాష్ట్రానికి సంబంధించి జ‌న‌సేన పార్టీ చీఫ్ ప‌వ‌న్ క‌ళ్యాణ్ , టీడీపీ సీనియ‌ర్ నేత, హిందూపురం ఎమ్మెల్యే నంద‌మూరి బాల‌కృష్ణ, అల్లుడు, నేత నారా లోకేష్ ల‌పై సంచ‌ల‌న వ్యాఖ్య‌లు చేశారు. ఆ ముగ్గురు నేత‌లు పొలిటిక‌ల్ బఫూన్స్ అంటూ ఎద్దేవా చేశారు. ప్ర‌స్తుతం అంబ‌టి రాంబాబు(Ambati Ram Babu) చేసిన కామెంట్స్ క‌ల‌క‌లం రేపుతున్నాయి.
Ambati Ram Babu Serious Comments
ద‌మ్ములేనోళ్లే ప్ర‌గ‌ల్బాలు ప‌లుకుతార‌ని , త‌మ నాయ‌కుడికి ఉన్న స‌త్తా ఏమిటో ఈ పాటికే అర్థ‌మై ఉంటుంద‌న్నారు మంత్రి. జ‌నం సొమ్ముకు కన్నాలు వేసే పార్టీల‌కు త‌మ‌ను విమ‌ర్శించే స‌త్తా లేద‌న్నారు . వాళ్లు ఏం మాట్లాడుతున్నారో వారికే తెలియ‌డం లేద‌న్నారు. ఎవ‌రికీ రాష్ట్రం ప‌ట్ల, ప్ర‌జ‌ల ప‌ట్ల, ప్ర‌గ‌తి ప‌ట్ల ఎలాంటి అవ‌గాహ‌న లేకుండా మాట్లాడ‌టం మీకే చెల్లుతుంద‌న్నారు అంబ‌టి రాంబాబు.
జ‌నం వీళ్ల‌ను క‌మెడియ‌న్లుగా చూస్తున్నారే త‌ప్పా పొలిటిక‌ల్ లీడ‌ర్లుగా భావించ‌డం లేద‌న్నారు. గ‌తంలో జ‌రిగిన ఎన్నిక‌ల్లో అడ్ర‌స్ లేకుండా చేశార‌ని రాబోయే ఎన్నిక‌ల్లో సేమ్ సీన్ రిపీట్ అవుతుంద‌ని స్ప‌ష్టం చేశారు.
ప‌వ‌న్ క‌ళ్యాణ్ నిల‌క‌డ ఉండ‌ద‌న్నారు. బాల‌కృష్ణ ఏం చేస్తాడో ఏం మాట్లాడ‌తాడో తెలియ‌ద‌న్నారు. ఇక అరుపులు ఎక్కువ చేత‌లు త‌క్కువ అంటూ నారా లోకేష్ ను ఉద్దేశించి సెటైర్ వేశారు.
Also Read : Navaneet Kaur Rana : బండారుపై భ‌గ్గుమ‌న్న న‌వ‌నీత్ కౌర్