Ambati Ram Babu Escapes : అంబ‌టికి త‌ప్పిన ప్ర‌మాదం
డ్రైవ‌ర్ చాక‌చ‌క్యంతో ర‌క్ష‌ణ
Ambati Ram Babu Escapes : ఖ‌మ్మం జిల్లా – ఏపీ నీటి పారుద‌ల శాఖ మంత్రి అంబ‌టి రాంబాబుకు తృటిలో పెను ప్ర‌మాదం త‌ప్పింది. ఖ‌మ్మం జిల్లాలో ఆయ‌న కాన్వాయ్ ప్ర‌మాదానికి గురైంది. కేబినెట్ మంత్రి ఆశ్వారావు పేట నుండి ఖ‌మ్మం వైపు వెళుతుండ‌గా ఈ ఘ‌ట‌న చోటు చేసుకుంది.
Ambati Ram Babu Escapes Accident
స‌త్తుప‌ల్లి శివారు లోకి అంబ‌టి రాంబాబు కాన్వాయ్ రాగానే ఎదురుగా వ‌స్తున్న వాహ‌నంలోని క‌ర్ర‌లు , గోధుమ లోడుతో వెళుతున్న లారీకి బ‌లంగా త‌గిలాయి. దీంతో రెండు బస్తాలు అంబ‌టి రాంబాబు(Ambati Ram Babu) కారు బానెట్ పై ప‌డ్డాయి. వెంట‌నే ప్ర‌మాదాన్ని గుర్తించిన అంబ‌టి రాంబాబు కారు డ్రైవ‌ర్ బ్రేక్ వేశాడు. దీంతో ప్ర‌మాదం నుంచి మంత్రి సుర‌క్షితంగా బ‌య‌ట ప‌డ్డారు.
ఇదిలా ఉండ‌గా ప్ర‌మాదం నుంచి బ‌య‌ట ప‌డిన విష‌యాన్ని తెలుసుకున్న ఏపీ సీఎం జ‌గ‌న్ మోహ‌న్ రెడ్డి అంబ‌టి రాంబాబుకు ఫోన్ చేసి ఆరా తీశారు. ఎలా ఉన్నారంటూ ప‌ల‌క‌రించారు. మిగ‌తా కేబినెట్ లోని స‌హ‌చ‌ర మంత్రులు సైతం అంబ‌టి రాంబాబు ప్ర‌మాదం నుంచి బ‌య‌ట ప‌డడంతో అంతా ఊపిరి పీల్చుకున్నారు. మొత్తంగా ఇవాళ అంబ‌టి సుర‌క్షితంగా బ‌య‌ట ప‌డ‌డం అంతా దైవాదీనం అని ఆయ‌న అభిమానులు పేర్కొంటున్నారు.
Also Read : ENG vs SL ICC World Cup : అబ్బా లంకేయుల దెబ్బ