Minister Karumuri : కేసీఆర్ కామెంట్స్ కారుమూరి సీరియ‌స్
బీఆర్ఎస్ పాల‌న‌లో పెరిగిన పేద‌రికం
Minister Karumuri : అమ‌రావతి – తెలంగాణ సీఎం కేసీఆర్ కామెంట్స్ పై నిప్పులు చెరిగారు ఏపీ మంత్రి కారుమూరి వెంక‌ట నాగేశ్వ‌ర్ రావు . ఎన్నిక‌ల్లో ఓట్ల కోసం త‌మ‌ను టార్గెట్ చేయ‌డం ఎంత వ‌ర‌కు స‌బ‌బు అని ప్ర‌శ్నించారు. స‌త్తుప‌ల్లి స‌భ‌లో కేసీఆర్ ఏపీపై తీవ్ర కామెంట్స్ చేశారు. డ‌బుల్ రోడ్లు ఉంటే అది తెలంగాణ రాష్ట్ర‌మ‌ని, సింగిల్ రోడ్డు ఉంటే అది ఆంధ్ర‌ప్ర‌దేశ్ రాష్ట్రం అంటూ ఎద్దేవా చేశారు సీఎం. దీనిపై తీవ్ర ఆగ్ర‌హం వ్య‌క్తం చేశారు ఏపీ మంత్రి.
Minister Karumuri Serious on KCR Comments
ఇది ఎంత మాత్రం మంచి ప‌ద్ద‌తి కాద‌న్నారు. ఇలాంటి చ‌వ‌క‌బారు విమ‌ర్శ‌లు, కామెంట్స్ చేయ‌డం మానుకోవాల‌ని సూచించారు. జ‌గ‌న్ మోహ‌న్ రెడ్డి ఆధ్వ‌ర్యంలో అమ‌లు చేస్తున్న సంక్షేమ ప‌థ‌కాలు దేశంలో ఎక్క‌డా అమ‌లు కావ‌డం లేద‌న్నారు.
తాము చేప‌ట్టిన నాడు నేడు కార్య‌క్ర‌మాన్ని కాపీ కొట్టింది తెలంగాణ ప్ర‌భుత్వం కాదా అంటూ నిల‌దీశారు మంత్రి కారుమూరి(Minister Karumuri). ఇలా చెప్పాలంటే చాలా ఉన్నాయ‌ని అన్నారు. ఇలా ఇంకెన్నాళ్లు తెలంగాణ సెంటిమెంట్ ను ర‌గిలిస్తూ ఉంటారంటూ ఎద్దేవా చేశారు కేసీఆర్ ను ఉద్దేశించింది.
ఆంధ్ర ప్ర‌దేశ్ లో ఉన్న బియ్యాన్ని తెలంగాణ వాళ్లు కొంటున్నార‌ని, ఆ విష‌యం సీఎం కేసీఆర్ కు తెలియ‌క పోవ‌డం విడ్డూరంగా ఉంద‌న్నారు. తమ స‌ర్కార్ గురించి, ప్ర‌త్యేకంగా జ‌గ‌న్ గురించి ఏం మాట్లాడినా ఊరుకునే ప్ర‌స‌క్తి లేద‌ని స్ప‌ష్టం చేశారు కారుమూరి.
Also Read : Revanth Reddy DGP : హైకోర్టు ఆదేశించినా భ‌ద్ర‌త పెంచ‌రా