Bodige Shobhakka : కేసీఆర్ పై యుద్దం గెలుపు ఖాయం

Bodige Shobhakka : త‌న పోరాటం కేసీఆర్ పై, భార‌త రాష్ట్ర స‌మ‌తి పార్టీపై అని స్పష్టం చేశారు భార‌తీయ జ‌న‌తా పార్టీ చొప్ప‌దండి నియోజ‌క‌వ‌ర్గ ఎమ్మెల్యే అభ్య‌ర్థి బొడిగె శోభ. త‌ను తెలంగాణ ఉద్య‌మ కాలంలో నుంచి కొన‌సాగుతూ వ‌చ్చారు. ఎన్నిక‌ల ప్ర‌చారంలో భాగంగా కీల‌క వ్యాఖ్య‌లు చేశారు. ప్ర‌జ‌లు ఎదుర్కొంటున్న స‌మ‌స్య‌ల‌ను తాను ప్ర‌ధానంగా ప్ర‌స్తావిస్తూ వ‌చ్చాన‌ని అన్నారు. క‌ల్వ‌కుంట్ల కుటుంబంపై తీవ్ర ఆరోప‌ణ‌లు చేశారు. తెలంగాణ‌కు తాము ఓన‌ర్ల‌మ‌ని కేసీఆర్ కాద‌న్నారు.

Bodige Shobhakka Comment

ఇంత కాలం ప్ర‌జ‌ల‌ను మోసం చేస్తూ వ‌చ్చిన ఘ‌న‌త బీఆర్ఎస్ కే ద‌క్కుతుంద‌న్నారు బొడిగె శోభ‌(Bodige Shobhakka). ప్ర‌స్తుతం జ‌ర‌గ‌బోయే ఎన్నిక‌ల్లో యుద్దం ప్ర‌జా తెలంగాణ‌కు దొర‌ల తెలంగాణ‌కు మ‌ధ్య జ‌రుగుతోంద‌ని స్ప‌ష్టం చేశారు. తాను గెలుపొంద‌డం ఖాయ‌మ‌ని జోష్యం చెప్పారు. ఇందులో ఎలాంటి అనుమానం అక్క‌ర్లేద‌న్నారు.

ప్ర‌జ‌ల మ‌ధ్య ఉన్న‌ది ఎవ‌రో రాష్ట్రం మొత్తానికి తెలుస‌న్నారు బొడిగె శోభ‌. వ్య‌వ‌స్థ‌ల‌న్నింటిని నిర్వీర్యం చేసి జ‌నాన్ని మోసం చేసిన ఘ‌న‌త కేసీఆర్ కు , బీఆర్ఎస్ ప్ర‌భుత్వానికి ద‌క్కుతుంద‌ని మండిప‌డ్డారు. తెలంగాణ పేరుతో ఇప్ప‌టికే వేలాది కోట్లు క‌ల్వ‌కుంట్ల కుటుంబం దోచుకుంద‌న్నారు బొడిగె శోభ‌.

Also Read : Manda Krishna Comment : భావోద్వేగం పోరాటం చిర‌స్మ‌ర‌ణీయం