Rahul Gandhi Tour : తెలంగాణ‌లో రాహుల్ ప‌ర్య‌ట‌న
17న రాష్ట్రానికి రానున్న ఎంపీ
Rahul Gandhi : తెలంగాణ – రాష్ట్రంలో ఎలాగైనా స‌రే అధికారంలోకి రావాల‌ని శ‌త‌విధాలుగా ప్ర‌య‌త్నం చేస్తోంది కాంగ్రెస్ పార్టీ. ఇప్ప‌టికే 119 నియోజ‌క‌వ‌ర్గాల‌కు గాను అభ్య‌ర్థుల‌ను ఖ‌రారు చేసింది. 10 మంది రెబ‌ల్స్ ను కూడా శాంత ప‌రిచే ప‌నిలో ప‌డింది.
ఈ మేర‌కు సూర్యాపేట‌లో బ‌ల‌మైన అభ్య‌ర్థిగా బ‌రిలోకి దిగిన ప‌టేల్ ర‌మేష్ రెడ్డికి ఎంపీ సీటు ఇస్తామ‌ని హామీ ఇవ్వ‌డంతో ఆయ‌న త‌న నామినేష‌న్ ను ఉప‌సంహ‌రించు కున్నారు. ఇదే స‌మ‌యంలో కీల‌క పద‌వి క‌ట్ట బెడ‌తామ‌ని చెప్పారు.
Rahul Gandhi Conversing will Start in Telangana
న‌వంబ‌ర్ 15న నామినేష‌న్లు ఉప‌సంహ‌ర‌ణ‌కు గ‌డువు నిర్ణ‌యించింది రాష్ట్ర ఎన్నిక‌ల సంఘం. ఎన్నిక‌ల పోలింగ్ న‌వంబ‌ర్ 30. డిసెంబ‌ర్ 3న ఫ‌లితాలు వెల్ల‌డి కానున్నాయి. ఈ త‌రుణంలో రెండో విడ‌త ఎన్నిక‌ల ప్ర‌చారంలో పాల్గొనేందుకు గాను ఏఐసీసీ మాజీ చీఫ్‌, వాయ‌నాడు ఎంపీ రాహుల్ గాంధీ(Rahul Gandhi) రాష్ట్రంలో ప‌ర్య‌టించ‌నున్నారు.
ఇప్ప‌టికే ఆయ‌న ప‌లు స‌భ‌ల‌లో పాల్గొని ప్ర‌సంగించారు. మ‌రో విడ‌త ప్ర‌చారంలో పాల్గొనేందుకు రాహుల్ గాంధీ రెడీ అయ్యారు. ఈనెల 17న రాష్ట్రానికి రాహుల్ ప‌ర్య‌ట‌న ఖ‌రారైన‌ట్లు కాంగ్రెస్ పార్టీ ప్ర‌క‌టించింది.
న‌ర్సంపేట, పాల‌కుర్తి, వ‌రంగ‌ల్ వెస్ట్ , వ‌రంగ‌ల్ ఈస్ట్ నియోజ‌క‌వ‌ర్గాల‌లో రాహుల్ గాంధీ ప‌ర్య‌టిస్తార‌ని తెలిపింది. ఇందులో భాగంగా రోడ్ షోలు, కార్న‌ర్ మీటింగ్ లు ఉంటాయ‌ని వెల్ల‌డించింది.
Also Read : Revanth Reddy KCR : 24 గంట‌లు క‌రెంట్ ఇస్తే త‌ప్పుకుంటా