Pushpa Yagam : తిరుమ‌ల‌లో ఘ‌నంగా పుష్ప యాగం

Pushpa Yagam : తిరుమ‌ల – తిరుమల శ్రీవారి ఆలయంలో కారీక్త మాసం శ్రవణా నక్షత్రాన్ని పురస్కరించుకుని నిర్వహించే పుష్పయాగ(Pushpa Yagam) మహోత్సవానికి అవసరమైన పుష్పాల ఊరేగింపు ఆదివారం తిరుమలలో ఘనంగా జరిగింది. కల్యాణ వేదిక వద్దగల ఉద్యానవన విభాగంలో ముందుగా పుష్పాలకు ప్రత్యేక పూజలు నిర్వహించారు. ఈ సందర్భంగా ఈవ ఎవి.ధ‌ర్మారెడ్డి మీడియాతో మాట్లాడారు.

Pushpa Yagam in Tirumala

శ్రీవారి పుష్పయాగానికి సాయంత్రం శాస్త్రోక్తంగా అంకురార్పణ నిర్వహించినట్లు తెలిపారు. శ్రీవారి ఆలయంలో ఉదయం 9 నుండి 11 గంటల నడుమ శ్రీదేవి, భూదేవి సమేత శ్రీ మలయప్ప స్వామి వారికి వేడుకగా స్నపన తిరుమంజనం జరిగిందని చెప్పారు.

మధ్యాహ్నం ఒంటి గంట నుంచి 5 గంటల వరకు స్వామి, అమ్మ వార్ల ఉత్సవ మూర్తులకు శోభాయమానంగా పుష్పయాగం జరుగుతుందన్నారు. ఇందుకోసం 17 రకాల పుష్పాలు, 6 రకాల పత్రాలను వినియోగిస్తామని చెప్పారు. తమిళనాడు నుంచి నాలుగు టన్నులు, కర్ణాటక నుంచి రెండు టన్నులు, ఆంధ్రప్రదేశ్, తెలంగాణ రాష్ట్రాల నుండి రెండు టన్నులు కలిపి మొత్తం 8 టన్నుల పుష్పాలను దాతలు విరాళంగా అందించారని వెల్లడించారు. ప్రపంచవ్యాప్తంగా ఉన్న భక్తుల కోసం పుష్పయాగాన్ని ఎస్వీబీసీ ద్వారా ప్రత్యక్ష ప్రసారం చేస్తామని తెలియజేశారు.

ఈ కార్య‌క్ర‌మంలో విజివో నందకిషోర్, పేష్కార్ శ్రీహరి, పారుపత్తేదార్ ఉమామహేశ్వర్ రెడ్డి త‌దిత‌రులు పాల్గొన్నారు.

Also Read : Revanth Reddy : టీఎస్పీఎస్సీ బోర్డును ర‌ద్దు చేస్తాం