IND vs AUS ICC ODI World CUP : ఫైన‌ల్ లో ప‌ట్టు బిగించిన ఆసిస్

IND vs AUS : అహ్మ‌దాబాద్ – ఐసీసీ(ICC) వ‌న్డే వ‌ర‌ల్డ్ కప్ 2023 ఫైన‌ల్ మ్యాచ్ లో భార‌త జ‌ట్టు 240 ప‌రుగుల‌కు ఆలౌటైంది. ఆస్ట్రేలియా స్కిప్ప‌ర్ క‌మిన్స్ టాస్ గెలిచి ముందుగా ఫీల్డింగ్ ఎంచుకున్నాడు. కెప్టెన్ అంచ‌నాల‌కు త‌గ్గ‌ట్టుగానే ఆసిస్ టీమ్ అద్భుత‌మైన ప్ర‌ద‌ర్శ‌న చేప‌ట్టింది. భార‌త జ‌ట్టును ఎక్కువ ప‌రుగులు చేయ‌కుండా కట్ట‌డి చేసింది.

IND vs AUS Final Match Updates

కెప్టెన్ రోహిత్ శ‌ర్మ 47 ర‌న్స్ చేస్తే ఓపెన‌ర్ శుభ్ మ‌న్ గిల్ నిరాశ ప‌రిచాడు. ఫుల్ ఫామ్ లో ఉన్న విరాట్ కోహ్లీ హాఫ్ సెంచ‌రీతో ఆక‌ట్టుకున్నా అద్భుత‌మైన బంతికి వెనుదిరిగాడు. ఇక వైస్ కెప్టెన్ కేఎల్ రాహుల్ చివ‌రి సెష‌న్ దాకా ఉన్నాడు. దుమ్ము రేపుతాడ‌ని అనుకున్న సూర్య కుమార్ యాద‌వ్ తేలి పోయాడు.

టోర్నీలో భాగంగా ఇప్ప‌టి వ‌ర‌కు ఆడిన 10 మ్యాచ్ ల‌లో సిరాజ్ బ్యాటింగ్ చేసేందుకు ఛాన్స్ రాలేదు. కానీ ఈ ఫైన‌ల్ మ్యాచ్ లో వ‌చ్చింది. ఫైన‌ల్ పోరులో కేవ‌లం ముగ్గురు మాత్ర‌మే బాగా ఆడారు. మిగ‌తా వాళ్లు చేతులు ఎత్తేశారు.

టోర్నీలో దుమ్ము రేపిన శ్రేయ‌స్ అయ్యార్ సూప‌ర్ స్పెల్ కు వికెట్ పారేసుకున్నాడు. ప్ర‌ధానంగా చెప్పు కోవాల్సింది ప్ర‌త్య‌ర్థి ఆస్ట్రేలియా అద్భుత‌మైన ప్ర‌ద‌ర్శ‌న‌తో ఆక‌ట్టుకుంది. త‌న‌కు ఎదురే లేద‌ని చాటింది.

Also Read : IND vs AUS ICC ODI World Cup : టాస్ గెలిచిన ఆస్ట్రేలియా