Revanth Reddy : కేసీఆర్ ఖేల్ ఖ‌తం – రేవంత్ రెడ్డి

Revanth Reddy :తెలంగాణ‌లో సీఎం కేసీఆర్ ప‌నై పోయింద‌ని ఎద్దేవా చేశారు టీపీసీసీ చీఫ్ రేవంత్ రెడ్డి. ప్ర‌జ‌లు త‌న్ని త‌రిమేందుకు సిద్ద‌మై ఉన్నార‌ని స్ప‌ష్టం చేశారు. రాష్ట్రంలో ఎన్నిక‌ల ప్ర‌చారంలో భాగంగా కేసీఆర్ బ‌రిలో నిలిచిన గ‌జ్వేల్ నియోజ‌క‌వ‌ర్గంలో జ‌రిగిన కాంగ్రెస్ పార్టీ విజ‌య భేరి స‌భ‌లో ప్ర‌సంగించారు.

Revanth Reddy Comments on CM KCR

రెండుసార్లు కేసీఆర్ ను ఎమ్మెల్యేగా చేస్తే మ‌ల్ల‌న్న సాగ‌ర్ లో మిమ్మ‌ల్ని నిండా ముంచిండ‌ని ధ్వ‌జ‌మెత్తారు. కొండ పోచ‌మ్మ లోకి తోసిండు, రంగ నాయ‌క్ సాగ‌ర్ లోకి లాగేసిండ‌ని సెటైర్ వేశారు రేవంత్ రెడ్డి(Revanth Reddy). రైతులు పండించిన వ‌డ్లు కొనేందుకు చ‌ర్య‌లు చేప‌ట్ట‌ని కేసీఆర్ త‌న ఫామ్ హౌస్ లో పండించిన వ‌డ్ల‌ను కావేరి సీడ్స్ కంపెనీకి క్వింటాలుకు రూ.4,500 కు అమ్ముకుంటున్నాడ‌ని ఆరోపించారు.

కేసీఆర్ ఫామ్ హౌస్ లో ఏమైనా బంగారం పండుతోందా అని ప్ర‌శ్నించారు. కేసీఆర్ ను మీరు పాతాళానికి తొక్కాల‌ని అనుకుంటే ఇక్క‌డ ఓడి పోతాన‌నే భ‌యంతో కామారెడ్డికి పారి పోయిండంటూ మండిప‌డ్డారు. కామారెడ్డికే కాదు క‌న్యాకుమారికి పారి పోయినా ప్ర‌జ‌లు కేసీఆర్ ను త‌ప్ప‌కుండా ఓడించి తీరుతారంటూ స్ప‌ష్టం చేశారు రేవంత్ రెడ్డి.

సంక్షేమ ప‌థ‌కాల పేరుతో ప్ర‌జ‌ల చెవుల్లో పూలు పెట్టిన ఘ‌నుడు కేసీఆర్ అంటూ ఎద్దేవా చేశారు.

Also Read : Mayawati : బీఎస్పీ వ‌స్తేనే ప్ర‌జా పాల‌న