Rahul Posters : రాహుల్ గాంధీ పోస్ట‌ర్ల క‌ల‌క‌లం

Rahul Posters : తెలంగాణ రాష్ట్రంలో పోస్ట‌ర్లు క‌ల‌క‌లం రేపుతున్నాయి. పోలింగ్ ద‌గ్గ‌ర ప‌డుతున్నకొద్దీ ప్ర‌చార యుద్దం తారా స్థాయికి చేరుకుంది. నువ్వా నేనా అన్న రీతిలో పోటీ నెల‌కొంది. మాట‌లతో మంట‌లు రేపుతున్నారు. ఈ త‌రుణంలో ఒక‌రిపై మ‌రొక‌రు వ్య‌తిరేకంగా పోస్ట‌ర్ల‌తో హోరెత్తిస్తున్నారు.

Rahul Posters Viral

న‌వంబ‌ర్ 25న రాహుల్ గాంధీ ప్ర‌చారంలో పాల్గొన‌నున్నారు. దీంతో కొంద‌రు గుర్తు తెలియ‌ని వ్య‌క్తులు రాహుల్(Rahul Gandhi) కు వ్య‌తిరేకంగా పెద్ద ఎత్తున పోస్ట‌ర్ల‌ను ఏర్పాటు చేశారు. నిజామాబాద్ , బోధ‌న్ ప‌ట్ట‌ణాల్లో పోస్ట‌ర్ల‌ను వేశారు.

ఇందులో తెలంగాణ‌ను బొంద పెట్టిన ఘ‌న‌త కాంగ్రెస్ పార్టీ అని ఆరోపించింది. బ‌లిదానాలు, ఆత్మ‌హ‌త్య‌ల బాధ్య‌త ఆ పార్టీదేన‌ని పేర్కొన్నారు ఈ పోస్ట‌ర్ల‌లో. త‌మ బిడ్డ‌ల‌ను చంపింది మీరే కాదా అని ప్ర‌శ్నించింది. కాంగ్రెస్ ఇందుకు క్ష‌మాప‌ణ‌లు చెప్పి తీరాల్సిందేన‌ని స్ప‌ష్టం చేసింది. ముక్కు నేల‌కు రాయాల్సిందేనంటూ డిమాండ్ చేశారు ఈ పోస్ట‌ర్ల‌లో.

మోదీ రాక‌ను నిర‌సిస్తూ బీఆర్ఎస్ పార్టీ హైద‌రాబాద్, సికింద్రాబాద్ లో పోస్ట‌ర్ల‌ను వేశారు. రేవంత్ రెడ్డి రేటెంత రెడ్డి అంటూ ట్యాగ్ లైన్ తో పోస్ట‌ర్లు వెలిశాయి. మొత్తంగా ఎన్నిక‌ల వేళ పోస్ట‌ర్ల వార్ కొన‌సాగుతుండ‌డం విశేషం.

Also Read : Ponguleti Srinivas Reddy : కేసీఆర్ ఖేల్ ఖ‌తం