Revanth Reddy : అరాచ‌క శ‌క్తుల ఆట‌లు సాగ‌వు
పాల‌మూరులో ఇంకానా ఇక‌పై చెల్ల‌వు
Revanth Reddy : మ‌హ‌బూబ్ న‌గ‌ర్ – ఉమ్మ‌డి పాల‌మూరు జిల్లాలో ఎవ‌రైనా స‌రే అరాచ‌కాల‌కు పాల్ప‌డితే చూస్తూ ఊరుకునే ప్ర‌స‌క్తి లేద‌ని స్ట్రాంగ్ వార్నింగ్ ఇచ్చారు టీపీసీసీ చీఫ్ రేవంత్ రెడ్డి. ఎన్నిక‌ల ప్ర‌చారంలో భాగంగా ఆదివారం ప‌ట్ట‌ణంలో భారీ రోడ్ షో చేప‌ట్టారు. ఈ సంద‌ర్బంగా భారీ జ‌నాన్ని ఉద్దేశించి ప్ర‌సంగించారు. అరాచ‌క శ‌క్తుల్ని గోతి తీసి పాతి పెట్టాల‌న్నారు. యెన్నంను అత్య‌ధిక మెజారిటీతో గెలిపించాల‌ని పిలుపునిచ్చారు.
Revanth Reddy Comment
పాల‌మూరులో కొంత మంది స‌న్నాసుల అరాచ‌కం ఎక్కువై పోయింద‌ని ధ్వ‌జ‌మెత్తారు. ఇక వారి ఆట‌లు చెల్ల‌వ‌న్నారు. ఏ మాత్రం ప్ర‌య‌త్నం చేసినా ఇక ఊరుకునే ప్ర‌స‌క్తి లేద‌ని హెచ్చ‌రించారు రేవంత్ రెడ్డి(Revanth Reddy). కాంగ్రెస్ పార్టీకి చెందిన నేత‌లు, కార్య‌క‌ర్త‌ల‌పై దాడుల‌కు దిగితే వాళ్ల చర్మం వ‌లిచి చెప్పులు కుట్టిస్తాన‌ని అన్నారు.
మీరు నాటిన ఈ మొక్క వృక్షంగా మారింద‌న్నారు. సోనియ‌మ్మ మీ బిడ్డ‌కు పీసీసీ చీఫ్ గా ఛాన్స్ ఇచ్చింద‌న్నారు. ఈ వృక్షాన్ని న‌ర‌కాల‌ని కేసీఆర్, కేటీఆర్, హ‌రీశ్ రావు , శ్రీ‌నివాస్ గౌడ్ భుజాన గొడ్డ‌ళ్లు వేసుకుని తిరుగుతున్నార‌ని వారికి మీ సాక్షిగా చెబుతున్నా మూడింద‌న్నారు.
బ‌క్కోన్ని అని చెప్పుకునే కేసీఆర్ ల‌క్ష కోట్లు దండుకున్నాడ‌ని ధ్వ‌జ‌మెత్తారు. ప‌ది వేల ఎక‌రాలు ఆక్ర‌మించు కున్నాడ‌ని ఆరోపించారు రేవంత్ రెడ్డి. తాము అధికారంలోకి రాగానే ఆరు గ్యారెంటీల‌ను అమ‌లు చేసి తీరుతున్నామ‌న్నారు.
Also Read : Bhatti Vikramarka : మ‌ధిర అడ్డ కాంగ్రెస్ అడ్డా