KCR Slams : కాంగ్రెసోళ్లు ద‌ద్ద‌మ్మ‌లు – కేసీఆర్
నిప్పులు చెరిగిన ముఖ్య‌మంత్రి
KCR : బీఆర్ఎస్ బాస్, సీఎం కేసీఆర్ తీవ్ర ఆగ్ర‌హం వ్య‌క్తం చేశారు. ఆయ‌న కాంగ్రెస్ పార్టీని టార్గెట్ చేశారు. ఆంధ్రోళ్ల కంటే ఎక్కువ‌గా తెలంగాణ‌ను ముంచిన చ‌రిత్ర ఆ పార్టీదేనంటూ నిప్పులు చెరిగారు. ఎన్నిక‌ల ప్ర‌చారంలో భాగంగా ఆయ‌న షాకింగ్ కామెంట్స్ చేస్తూ వ‌స్తున్నారు. ఈ 60 ఏళ్ల పాటు రాష్ట్రాన్ని నాశ‌నం చేసిన చ‌రిత్ర మీది కాదా అని ప్ర‌శ్నించారు.
KCR Shocking Comment on Congress
తాను ఉద్య‌మించిన స‌మ‌యంలో తెలంగాణ పూర్తిగా క‌రువు కాట‌కాల‌తో అల్లాడింద‌ని అన్నారు. ఆనాటి ప‌రిస్థితులు త‌ట్టుకోలేక ఎంద‌రో ఆత్మ‌హ‌త్య‌లకు పాల్ప‌డ్డార‌ని , మ‌రికొంద‌రు బ‌లిదానాలు చేసుకున్నార‌ని అన్నారు కేసీఆర్(KCR). క‌రెంట్ కోత‌ల‌తో ఇబ్బందుల‌కు గురి చేశారంటూ ఆవేద‌న వ్య‌క్తం చేశారు.
కానీ తాను చేసిన పోరాటం వ‌ల్ల ఇవాళ తెలంగాణ అన్ని రంగాల‌లో ముందంజ‌లో కొన‌సాగుతోంద‌న్నారు. ఇవాళ ఎక్క‌డా లేని రీతిలో సంక్షేమ ప‌థ‌కాల‌ను, కార్య‌క్ర‌మాల‌ను అమ‌లు చేస్తున్న‌ట్లు తెలిపారు. త‌న‌పై అవాకులు చెవాకులు మాట్లాడే నేత‌లు గ‌మ‌నించాల్సింది ప్ర‌గ‌తి ఏ మేర‌కు జ‌రిగిందో చూడాల‌న్నారు.
నిరాధార‌మైన ఆరోప‌ణ‌లు చేయ‌డం మంచి ప‌ద్ద‌తి కాద‌న్నారు. ఇక‌నైనా ప్ర‌జ‌లు ఆలోచించి ఓటు వేయాల‌ని, ప‌ని చేసే వారికి అప్ప‌గించాల‌ని పిలుపునిచ్చారు సీఎం కేసీఆర్.
Also Read : Election Commission Shock : రైతు బంధు నిలిపి వేయాలి – ఈసీ