Akbaruddin Owaisi : కోలుకుంటారు తిరిగి వ‌స్తారు
ఎంఐఎం ఎమ్మెల్యే అక్బ‌రుద్దీన్
Akbaruddin Owaisi : హైద‌రాబాద్ – ఎంఐఎం ఎమ్మెల్యే అక్బ‌రుద్దీన్ ఓవైసీ(Akbaruddin Owaisi) ఆస‌క్తిక‌ర వ్యాఖ్య‌లు చేశారు. మాజీ సీఎం కేసీఆర్ త్వ‌ర‌లోనే కోలుకుంటార‌ని తిరిగి వ‌స్తార‌ని ఆ న‌మ్మ‌కం త‌మ‌కు ఉంద‌న్నారు. ఇదిలా ఉండ‌గా ఎర్ర‌వెల్లి ఫామ్ హౌస్ లోని బాత్రూంలో జారి ప‌డ్డారు కేసీఆర్.
Akbaruddin Owaisi Comment about KCR
దీంతో హుటా హుటిన అర్ధ‌రాత్రి భారీ భ‌ద్ర‌త మ‌ధ్య హైద‌రాబాద్ లోని సోమాజిగూడ య‌శోద ఆస్ప‌త్రికి త‌ర‌లించారు. తుంటి విరిగిన‌ట్లు ప‌రీక్ష‌ల్లో తేలింది. దీంతో ఆప‌రేష‌న్ విజ‌య‌వంతంగా నిర్వ‌హించారు. ప్ర‌స్తుతం లేచి న‌డ‌వ గ‌లుగుతున్నారు కేసీఆర్.
ఆయ‌న‌ను ప‌రామ‌ర్శించేందుకు క్యూ క‌ట్టారు వివిధ పార్టీల‌కు చెందిన నాయ‌కులు. ఇందులో టీడీపీ చీఫ్ , మాజీ సీఎం నారా చంద్ర‌బాబు నాయుడు, తెలంగాణ కొత్త సీఎం ఎనుముల రేవంత్ రెడ్డి, డిప్యూటీ సీఎం మ‌ల్లు భ‌ట్టి విక్ర‌మార్క, మంత్రులు దామోద‌ర రాజ న‌ర‌సింహ, దుద్దిళ్ల శ్రీ‌ధ‌ర్ బాబు , మాజీ మంత్రులు, ప్ర‌స్తుత ఎమ్మెల్యేలు ప‌రామ‌ర్శించిన వారిలో ఉన్నారు.
వీరితో పాటు ప్ర‌ముఖ న‌టుడు మెగాస్టార్ చిరంజీవి సైతం య‌శోద ఆస్ప‌త్రికి విచ్చేశారు. కేసీఆర్ ను ప‌రామ‌ర్శించి ధైర్యం చెప్పారు. త్వ‌ర‌గా కోలుకుంటార‌ని, ఆ న‌మ్మ‌కం త‌న‌కు ఉంద‌న్నారు చిరంజీవి.
Also Read : KA Paul : కేసీఆర్ ఆరోగ్యంపై పాల్ ఆరా