CM Revanth Reddy : గ‌డ్డం ప్ర‌జా నాయ‌కుడు – సీఎం
స్పీక‌ర్ ను అభినందించిన రేవంత్
CM Revanth Reddy : హైద‌రాబాద్ – తెలంగాణ ముఖ్య‌మంత్రి ఎనుముల రేవంత్ రెడ్డి(CM Revanth Reddy) ఆస‌క్తిక‌ర వ్యాఖ్య‌లు చేశారు. రాష్ట్ర శాస‌న స‌భ‌లో ఏక‌గ్రీవంగా ఎన్నిక‌య్యారు వికారాబాద్ ఎమ్మెల్యే గ‌డ్డం ప్ర‌సాద్ . ఆయ‌న ఎన్నికైన విష‌యాన్ని ప్ర‌క‌టించారు ప్రొటెం స్పీక‌ర్ అక్బ‌రుద్దీన్ ఓవైసీ. నూత‌నంగా కొలువు తీరిన గ‌డ్డం ప్ర‌సాద్ ను ఉద్దేశించి కీల‌క కామెంట్స్ చేశారు సీఎం.
CM Revanth Reddy Praises Speaker Gaddam
తాను ప్రాతినిధ్యం వ‌హిస్తున్న కోడంగ‌ల్ నియోజ‌క‌వ‌ర్గం రంగారెడ్డి జిల్లా ప‌రిధిలోకి వ‌స్తుంద‌న్నారు. ప్ర‌స్తుతం స్పీక‌ర్ గా బాధ్య‌త‌లు స్వీక‌రించిన గ‌డ్డం ఇదే జిల్లాకు చెందిన వారు కావ‌డం ఆనందంగా ఉంద‌న్నారు. ఆయ‌న దళిత సామాజిక వ‌ర్గానికి చెందిన వారైన‌ప్ప‌టికీ అంచెలంచెలుగా ఈ స్థాయికి వ‌చ్చార‌ని ప్ర‌శంస‌లు కురిపించారు.
ఎంపీటీసీగా త‌న జీవితాన్ని ప్రారంభించారు. ఇవాళ స‌భాప‌తి లాంటి ఉన్న‌త‌మైన ప‌ద‌వి అందుకోవ‌డం మామూలు విష‌యం కాద‌న్నారు సీఎం రేవంత్ రెడ్డి. గ‌డ్డం ప్ర‌సాద్ కుమార్ కుటుంబానికి, బాంధ‌వ్యాల‌కు ప్ర‌యారిటీ ఇస్తార‌ని కొనియాడారు.
ఇదిలా ఉండ‌గా ఇప్ప‌టి వ‌ర‌కు ఎంపీటీసీగా, ఎంపీపీగా, మూడుసార్లు ఎమ్మెల్యేగా, రాష్ట్రంలో మంత్రిగా ప‌ని చేసిన అనుభం గ‌డ్డం ప్ర‌సాద్ కుమార్ కు ఉంది.
Also Read : AP CM YS Jagan : ప‌వ‌న్ కంటే బ‌ర్రెల‌క్క బెట‌ర్