JD Laxminarayana : వంగ‌వీటి రంగాకు జేడీ నివాళి
అద్బుత‌మైన నాయ‌కుడు
JD Laxminarayana : విజ‌య‌వాడ – సీబీఐ మాజీ జాయింట్ డైరెక్ట‌ర్ ల‌క్ష్మీ నారాయ‌ణ కీల‌క వ్యాఖ్య‌లు చేశారు దివంగ‌త వంగ‌వీటి మోహ‌న రంగాపై. ప్ర‌జ‌ల కోసం ప‌ని చేసిన గొప్ప నాయ‌కుడిగా పేరు పొందార‌ని కితాబు ఇచ్చారు. మంగ‌ళ‌వారం బెజ‌వాడ‌లో వంగ‌వీటి మోహ‌న రంగా విగ్ర‌హానికి పూల‌మాల‌లు వేసి నివాళులు అర్పించారు జేడీ ల‌క్ష్మీ నారాయ‌ణ.
JD Laxminarayana Tributes to Vangaveeti Ranga
తాజాగా ఆయ‌న జై భార‌త్ నేష‌న‌ల్ పార్టీని స్థాపించారు. జేడీ ల‌క్ష్మీ నారాయ‌ణ వెంట వంగ‌వీటి న‌రేంద్ర, ఆమ్ ఆద్మీ పార్టీ నేత పోతిన వెంక‌ట రామారావు ఉన్నారు. ఆంధ్ర‌ప్ర‌దేశ్ రాజ‌కీయాల‌లో చెర‌గ‌ని ముద్ర వేశారు దివంగ‌త వంగ‌వీటి మోహ‌న్ రంగా.
ఆయ‌నను దారుణంగా హ‌త్య చేశారు. ప్ర‌జా నాయ‌కుడిగా, పేద‌ల పక్ష‌పాతిగా గుర్తింపు పొందారు దివంగ‌త నేత. ఉమ్మ‌డి ఏపీలో ఆంధ్రా నుంచి రంగా, తెలంగాణ నుంచి ఎర్ర స‌త్యం (మ‌రాఠి స‌త్య‌నారాయ‌ణ ) , రాయ‌ల సీమ నుంచి ప‌రిటాల ర‌వీంద్ర పేరు పొందారు. ఈ ముగ్గురు ప్ర‌జ‌ల హృద‌యాల‌లో సుస్థిర స్థానం సంపాదించారు.
ఇదిలా ఉండ‌గా జేడీ ల‌క్ష్మి నారాయ‌ణ(JD Laxminarayana) కొత్త పార్టీ చేయ‌డంతో రాజ‌కీయ పార్టీల‌లో క‌ల‌క‌లం మొద‌లైంది. నిబ‌ద్ద‌త క‌లిగిన ఆఫీస‌ర్ గా దేశ వ్యాప్తంగా పేరు పొందారు.
Also Read : Nara lokesh : స‌ర్కార్ నిర్ల‌క్ష్యం టీడీపీ ఆగ్ర‌హం