TS EAPCET: టీఎస్‌ ఈఏపీసెట్‌ ప్రిలిమినరీ కీ, రెస్పాన్స్‌ షీట్లు విడుదల !

TS EAPCET: తెలంగాణలో ఇంజినీరింగ్‌, అగ్రికల్చర్‌-ఫార్మా కోర్సుల్లో ప్రవేశాలకు నిర్వహించిన టీఎస్‌ ఈఏపీసెట్‌ పరీక్షల ప్రిలిమినరీ కీ, రెస్పాన్స్‌ షీట్లు విడుదలయ్యాయి. ఫార్మసీ విభాగానికి సంబంధించిన కీని శనివారం విడుదల చేసిన అధికారులు… తాజాగా ఇంజినీరింగ్‌ స్ట్రీమ్‌ ప్రిలిమినరీ కీని అందుబాటులోకి తీసుకొచ్చారు. తెలంగాణా ఈఏపీసెట్ అఫీషియల్ వెబ్ సైట్ ద్వారా విద్యార్థులు ప్రిలిమినరీ కీతో పాటు రెస్పాన్స్‌ షీట్‌, మాస్టర్‌ ప్రశ్నపత్రాన్ని డౌన్‌లోడ్‌ చేసుకోవచ్చు.

TS EAPCET Updates

రాష్ట్రంలో మే 7 నుంచి 11వ తేదీ వరకు టీఎస్‌ ఈఏపీసెట్‌ పరీక్షలు జరిగిన విషయం తెలిసిందే. ఈ ఏడాది ఈఏపీ సెట్‌ కోసం తెలుగు రాష్ట్రాల నుంచి దాదాపు 3.54 లక్షల మందికి పైగా విద్యార్థులు రిజిస్ట్రేషన్లు చేసుకున్నారు. అగ్రికల్చర్‌ అండ్‌ ఫార్మా ప్రిలిమినరీ కీపై ఈ నెల 13వరకు, ఇంజినీరింగ్‌ స్ట్రీమ్‌ కీపై ఈ నెల 14న ఉదయం 11గంటల లోపు అభ్యంతరాలు తెలపవచ్చు.

Also Read : Mallikarjun Kharge: మల్లికార్జున్‌ ఖర్గే హెలికాప్టర్‌ లో తనిఖీలు !