Anand Mahindra : ఆనంద్ మ‌హీంద్రా ఆనందం
వాషింగ్ట‌న్ లో సునీతా, అంబానీతో క‌ల‌యిక
Anand Mahindra : భార‌తీయ ప్ర‌ముఖ వ్యాపార‌వేత్త ఆనంద్ మ‌హీంద్రా ఆస‌క్తిక‌ర‌మైన స‌న్నివేశాన్ని పంచుకున్నారు. ట్విట్ట‌ర్ వేదిక‌గా షేర్ చేశారు. దేశ ప్ర‌ధాన మంత్రి న‌రేంద్ర మోదీ అమెరికా ప‌ర్య‌ట‌న‌లో భాగంగా ఇండియాకు చెందిన దిగ్గ‌జ వ్యాపార‌వేత్త‌లు సైతం టెక్ హ్యాండ్ షేక్ మీటింగ్ కు హాజ‌ర‌య్యారు. వీరిలో మ‌హీంద్రా గ్రూప్ సంస్థ‌ల చైర్మ‌న్ ఆనంద్ మ‌హీంద్రాతో పాటు రిల‌య‌న్స్ గ్రూప్ సంస్థ‌ల చైర్మ‌న్ అనిల్ అంబానీ కూడా హాజ‌ర‌య్యారు.
ఇదే స‌మ‌యంలో భార‌త దేశానికి చెందిన ప్ర‌ముఖ వ్యోమాగామి సునీతా విలియ‌మ్స్ ను కూడా క‌లుసుకున్నారు. వీరితో పాటు మ‌రో కీల‌క మహిళా వ్యాపార‌వేత్త వ్రిందా క‌పూర్ కూడా ఉన్నారు. వారంతా ఒకే చోట క‌లుసు కోవ‌డం ప్రాధాన్య‌త సంత‌రించుకుంది.
టెక్, వ్యాపార‌వేత్త‌ల కీల‌క స‌మావేశానికి తాము వెళ్లేందుకు గాను ష‌టిల్ బ‌స్సును కోల్పోయామ‌ని స్వ‌యంగా వెల్ల‌డించారు ఆనంద్ మ‌హీంద్రా(Anand Mahindra). దీంతో ఆస‌క్తిక‌ర‌మైన సంభాష‌ణ గురించి ప్రత్యేకంగా ప్ర‌స్తావించారు. ఎవ‌రైనా ఎక్క‌డికైనా వెళ్లాలంటే ఉబెర్ లేదా ఓలా, ఇత‌ర ట్యాక్సీల‌ను వాడ‌డం ష‌రా మామూలే.
ఈ స‌మ‌యంలో నాసా వ్యోమ‌గామి సునీతా విలియ‌మ్స్ తో ఓలా, ఉబెర్ గ‌నుక అందుబాటులో లేక పోతే క‌నీసం అంత‌రిక్షంలోకి వెళ్లేందుకు ఏమైనా ఛాన్స్ ఉందా అని ఆస‌క్తిక‌రంగా ప్ర‌శ్నించారు ఆనంద్ మ‌హీంద్రా. ఇందుకు సంబంధించిన ఫోటో ప్ర‌స్తుతం నెట్టింట్లో వైర‌ల్ గా మారింది.
Also Read : Anil Kumar Yadav : లోకేష్..ద‌మ్ముంటే నాపై పోటీకి దిగు