Balakrishna Wishtles : అసెంబ్లీలో ఈల వేసిన బాల‌య్య
త‌న రూటే స‌ప‌రేట్ అంటున్న న‌టుడు
Balakrishna Wishtles : ఏపీ అసెంబ్లీలో ఆస‌క్తిక‌ర ప‌రిణామాలు చోటు చేసుకుంటున్నాయి. ప్ర‌ధాన ఆక‌ర్ష‌ణ‌గా మారారు హిందూపురం నియోజ‌క‌వ‌ర్గ టీడీపీ ఎమ్మెల్యే నందమూరి బాల‌కృష్ణ. నిన్న మీసం మెలేసి స‌వాల్ విసిరారు. దీనిపై స్పీక‌ర్ త‌మ్మినేని సీతారం సీరియ‌స్ అయ్యారు. ఇంకోసారి ఇలాంటి ప‌నులు చేస్తే స‌భ నుంచి స‌స్పెండ్ చేస్తానంటూ హెచ్చ‌రించారు.
Balakrishna Wishtles Viral
అయినా నందమూరి బాల‌కృష్ణ త‌న తీరు మార్చు కోలేదు. శుక్ర‌వారం య‌ధావిధిగా అసెంబ్లీ హాలులోకి ప్ర‌వేశించారు. వ‌చ్చీ రావ‌డంతోనే త‌మ పార్టీకి చెందిన స‌భ్యుల‌పై స‌స్పెన్ష‌న్ వేటు వేయ‌డాన్ని నిర‌సిస్తూ ఏకంగా ఈల వేశారు. దీంతో ఒక్క‌సారిగా స‌భ‌లో ఏం జ‌రుగుతుందో తెలియ‌క తిక‌మ‌క ప‌డ్డారు.
వైసీపీ ఎమ్మెల్యేలు తీవ్ర అభ్యంత‌రం తెలిపారు. మంత్రులు ఏకంగా బాల‌య్య(Balakrishna) చేసిన ప‌నిని త‌ప్పు ప‌ట్టారు. ఒక శాస‌న‌స‌భ్యుడిగా ఉండాల్సిన ల‌క్ష‌ణాలు ఏవీ నంద‌మూరికి లేవ‌ని మండిప‌డ్డారు. ఇలాంటి వ్య‌క్తికి అన్ని ప‌రీక్ష‌లు చేసి స‌భ‌లోకి అనుమ‌తించాల‌ని మంత్రులు కోరారు.
దీనిపై మ‌రోసారి తీవ్రంగా స్పందించారు స‌భాప‌తి త‌మ్మినేని సీతారాం. స‌భా మ‌ర్యాద‌ల‌ను పాటించాల‌ని లేక పోతే చ‌ర్య‌లు త‌ప్ప‌వ‌ని హెచ్చ‌రించారు. అయినా బాల‌య్య డోంట్ కేర్ అంటూ త‌న ఈల వేయ‌డం మానుకోలేదు.
Also Read : Perni Nani : స్కిల్ స్కాంలో బాబు కింగ్ పిన్