Bandi Sanjay Rahul Sipligunj : బండి స‌న్మానం రాహుల్ ఆనందం

Bandi Sanjay Rahul Sipligunj : ద‌ర్శ‌క ధీరుడు ఎస్ఎస్ రాజ‌మౌళి ద‌ర్శ‌క‌త్వం వ‌హించిన ఆర్ఆర్ఆర్ మూవీ ప్ర‌పంచ వ్యాప్తంగా పేరు తెచ్చుకుంది. ఈ సినిమాలో రామ్ చ‌ర‌ణ్‌, జూనియ‌ర్ ఎన్టీఆర్, ఆలియా భ‌ట్ క‌లిసి న‌టించారు. ప్ర‌పంచ వ్యాప్తంగా భారీ ఎత్తున ఆద‌ర‌ణ చూర‌గొంది. కోట్లాది రూపాయ‌లు కొల్ల‌గొట్టింది.

గోల్డెన్ గ్లోబ్స్ అవార్డు కూడా ఈసినిమాలోని నాటు నాటు సాంగ్ కు ద‌క్కింది. దీనిని తెలంగాణ ప్రాంతానికి చెందిన చంద్ర‌బోస్ రాయ‌గా ఇదే ప్రాంతానికి చెందిన రాహుల్ సిప్లిగంజ్ మ‌న‌సు పెట్టి పాడారు. తాజాగా ప్ర‌పంచ వ్యాప్తంగా ఎంతో ఉత్కంఠ‌త‌తో ఎదురు చూస్తున్న ఆస్కార్ ఒరిజిన‌ల్ సాంగ్ విభాగంలో ఆర్ఆర్ఆర్ మూవీ లోని నాటు నాటు సాంగ్ కూడా నామినేష‌న్స్ లో ఎంపిక చేసిన‌ట్లు క‌మిటీ ప్ర‌క‌టించింది.

మార్చి 12న ఫైన‌ల్ గా ఎవ‌రికి పుర‌స్కారం ద‌క్కుతుంద‌నేది తేలుతుంది. ఈ సంద‌ర్బంగా ర‌చ‌యిత చంద్ర బోస్ ను, సంగీత ద‌ర్శ‌కుడు ఎంఎం కీర‌వాణిని , ద‌ర్శ‌కుడు ఎస్ఎస్ రాజ‌మౌళిని అభినందించారు భార‌తీయ జ‌న‌తా పార్టీ స్టేట్ చీఫ్ బండి సంజ‌య్.

బుధ‌వారం నాటు నాటు సాంగ్ ను పాడిన రాహుల్ సిప్లిగంజ్ ను(Bandi Sanjay Rahul Sipligunj)  ప్ర‌త్యేకంగా అభినందించారు. ఈ సంద‌ర్భంగా శాలువా కప్పి స‌న్మానించారు. స్వీట్స్ తినిపించారు బండి సంజ‌య్. రాబోయే రోజుల్లో ఆస్కార్ అందుకోవాల‌ని కోరుతున్న‌ట్లు తెలిపారు భార‌తీయ జ‌న‌తా పార్టీ చీఫ్‌.

ఇదిలా ఉండగా ఆర్ఆర్ఆర్ సినిమా ద్వారా భార‌త దేశ ఖ్యాతిని న‌లుదిశలా చాటినందుకు ఆర్ఆర్ఆర్ టీంను ప్ర‌త్యేకంగా కంగ్రాట్స్ తెలిపారు బండి సంజ‌య్.

Also Read : ఆ పాట కోసం చాలా క‌ష్ట‌ప‌డ్డా