Chandrababu Naidu: మోదీ నామినేషన్ కు చంద్రబాబుకు ప్రత్యేక ఆహ్వానం !
మోదీ నామినేషన్ కు చంద్రబాబుకు ప్రత్యేక ఆహ్వానం !
Chandrababu Naidu: ప్రధాని మోదీ ఈ నెల 14న ఉత్తరప్రదేశ్‌ లోని వారణాసి లోక్ సభ స్థానానికి నామినేషన్ సమర్పించనున్న విషయం తెలిసిందే. అభిజిత్ ముహూర్తంలో ప్రధాని మోదీ ఎన్నికల అధికారులకు తన నామినేషన్ పత్రాలను సమర్పించనున్నారు. ఈ నేపథ్యంలో మోదీ నామినేషన్ కోసం ఎన్డీఏ కూటమిలోని ప్రధాన పార్టీల నేతలను మోదీ ఆహ్వానించారు. ఇందులో భాగంగా తన నామినేషన్ కార్యక్రమానికి రావాలని టీడీపీ అధినేత చంద్రబాబు నాయుడుకి మోదీ ఆహ్వానం పంపించారు.
Chandrababu Naidu Invitation
చంద్రబాబు మంగళవారం గన్నవరం నుంచి ప్రత్యేక విమానంలో వారణాసి వెళ్తారు. మోదీ నామినేషన్ సమర్పణ కార్యక్రమ అనంతరం ఎన్డీఏ పక్షాలతో ఏర్పాటు చేసిన బహిరంగ సభలో బాబు మాట్లాడతారు. అనంతరం అదే రోజు సాయంత్రం విజయవాడకు చేరుకుంటారు.
Also Read : TS EAPCET: టీఎస్‌ ఈఏపీసెట్‌ ప్రిలిమినరీ కీ, రెస్పాన్స్‌ షీట్లు విడుదల !