CM Revanth Reddy: విద్యార్ధులతో కలిసి ఫుట్ బాల్ అడిన సీఎం రేవంత్ !

CM Revanth Reddy: లోక్ సభ ఎన్నికల ప్రచారంలో గత కొద్ది రోజులుగా తీరిక లేకుండా గడిపిన తెలంగాణా ముఖ్యమంత్రి రేవంత్ రెడ్డికి… ఎట్టకేలకు రిలీఫ్ దొరికింది. దీనితో సీఎం రేవంత్… గచ్చిబౌలిలోని హైదరాబాద్‌ కేంద్రీయ విశ్వవిద్యాలయం(హెచ్‌సీయూ) మైదానంలో విద్యార్థులతో కలిసి సందడి చేశారు. ఉదయం 8 గంటల సమయంలో హెచ్‌సీయూకు వెళ్లిన రేవంత్‌ రెడ్డికి ఎన్‌ఎస్‌యూఐ విద్యార్థి నాయకులు ఘనస్వాగతం పలికారు. క్రీడా మైదానానికి చేరుకున్న ఆయన కొద్దిసేపు ఫుట్‌బాల్‌ ఆటను తిలకించారు. అనంతరం విద్యార్థులతో కలిసి స్వయంగా ఫుట్‌బాల్‌ ఆడారు. ఫుట్ బాల్ ఆడుతుండగా ఓ దశలో ఆయన్ను షూ ఇబ్బంది పెట్టడంతో… షూ లేకుండానే ఫుట్ బాల్ ఆడి అందరినీ ఉత్సాహపరిచారు.

CM Revanth Reddy Comment

‘ఇండియా టీం ఏ’, ‘ఇండియా టీం బీ’ పేర్లతో ఉన్న జట్ల మధ్య జరిగిన ఫ్రెండ్లీ మ్యాచ్‌లో ‘టీం ఏ’ పక్షాన రేవంత్‌రెడ్డి ఆడగా… అదే జట్టు విజయం సాధించింది. అనంతరం విజేతలకు బహుమతులు ప్రదానం చేశారు. కార్యక్రమంలో సీఎం సలహాదారు వేం నరేందర్‌రెడ్డి, ప్రభుత్వ సలహాదారు హర్కర వేణుగోపాల్‌, రాజ్యసభ సభ్యుడు అనిల్‌కుమార్‌ యాదవ్‌, ఎమ్మెల్సీ బల్మూరి వెంకట్‌ తదితరులు పాల్గొన్నారు. గతంలో అసెంబ్లీ ఎన్నికల ప్రచారంలో కూడా రేవంత్ రెడ్డి క్రికెట్, వాలీబాల్ ఆడి అందరినీ ఆశ్చర్యపరిచారు. అదే సమయంలో కాంగ్రెస్ అగ్రనేత రాహుల్ గాంధీతో కలిసి భారత్ జోడో న్యాయ్ యాత్రలో పరుగుపందెంలో పాల్గొన్నారు.

Also Read : MLC Kavitha : ఢిల్లీ లిక్కర్ స్కాం కేసులో బెయిల్ కోసం చూస్తున్న కవితకు మరో షాక్