David Warner Bats : బ్యాటింగ్ రూట్ మార్చిన వార్న‌ర్

David Warner Bats : ముంబై వేదిక‌గా జ‌రిగిన కీల‌కమైన 16వ లీగ్ మ్యాచ్ లో ఊహించ‌ని రీతిలో ఎట్ట‌కేల‌కు ముంబై ఇండియ‌న్స్ తొలి విజ‌యాన్ని న‌మోదు చేసింది. మొద‌ట బ్యాటింగ్ చేసిన ఢిల్లీ క్యాపిట‌ల్స్ నిర్ణీత 20 ఓవ‌ర్ల‌లో 172 ర‌న్స్ చేసింది. భారీ స్కోర్ ను ఆఖ‌రి ఓవ‌ర్ ఆఖ‌రి బంతి వ‌ర‌కు ఉత్కంఠ రేపింది. చివ‌ర‌కు విజ‌యం ముంబైని వ‌రిపించింది.

ఈ మ్యాచ్ లో అరుదైన స‌న్నివేశం చోటు చేసుకుంది. ఆస్ట్రేలియ‌న్ క్రికెట్ స్టార్, ఢిల్లీ క్యాపిట‌ల్స్ స్కిప్ప‌ర్ డేవిడ్ వార్న‌ర్(David Warner Bats) 45 బంతులు ఎదుర్కొని 51 ర‌న్స్ చేశాడు. భారీ స్కోర్ లో త‌న‌దైన పాత్ర పోషించాడు. మ‌రో వైపు ఆల్ రౌండ‌ర్ అక్ష‌ర్ ప‌టేల్ ఐపీఎల్ కెరీర్ లో తొలి హాఫ్ సెంచ‌రీ న‌మోదు చేశాడు.

ఇదిలా ఉండ‌గా డేవిడ్ వార్న‌ర్ త‌న క్రికెట్ కెరీర్ లో మొత్తం ఎడ‌మ చేతి వాటం బ్యాట‌ర్ గానే ప్ర‌సిద్ది చెందాడు. వేలాది ప‌రుగులు చేశాడు. సెంచ‌రీలు, హాఫ్ సెంచ‌రీలు ఉన్నాయి. తాజాగా జ‌రిగిన ఐపీఎల్ లీగ్ మ్యాచ్ లో అనూహ్యంగా సిక్స్ కొట్టేందుక‌ని రూట్ మార్చాడు డేవిడ్ వార్న‌ర్. కుడి చేతితో బ్యాటింగ్ చేయ‌డం అంద‌రినీ విస్తు పోయేలా చేసింది. ఏది ఏమైనా ఐపీఎల్ లో ఏదైనా సాధ్య‌మేన‌ని తేలి పోయింది.

ఇందుకు సంబంధించిన ఫోటోలు , వీడియోలు వైర‌ల్ గా మారాయి . మొత్తంగా ఆసిస్ స్టార్ , డీసీ స్కిప్ప‌ర్ వార్త‌ల్లో నిలిచాడు.

Also Read : ధోనీ..శాంస‌న్ ప్రాక్టీస్ వైర‌ల్