DC vs SRH IPL 2023 : చేతులెత్తేసిన ఢిల్లీ హైద‌రాబాద్ విక్ట‌రీ

DC vs SRH IPL 2023 : ఐపీఎల్ 16వ సీజ‌న్ లో భాగంగా ఢిల్లీలో జ‌రిగిన కీల‌క లీగ్ మ్యాచ్ లో మ‌రోసారి బోల్తా ప‌డింది వార్న‌ర్ ఢిల్లీ సేన‌. హైద‌రాబాద్ లో జ‌రిగిన మ్యాచ్ లో ఎస్ ఆర్ హెచ్ పై గెలుపొంద‌డంతో ఈసారి విజ‌యం సాధించి ప‌గ తీర్చుకుంది హైద‌రాబాద్.

మ్యాచ్ లో భాగంగా స‌న్ రైజ‌ర్స్ హైద‌రాబాద్ స్కిప్ప‌ర్ ఐడెన్ మార్క్రామ్ టాస్ గెలిచి ముందుగా బ్యాటింగ్ ఎంచుకున్నాడు. ఆ జ‌ట్టు ఆరంభంలోనే 4 వికెట్లు కోల్పోయింది. ఈ త‌రుణంలో ఓపెన‌ర్ గా ఉన్న అభిషేక్ శ‌ర్మ దుమ్ము రేపాడు. ఢిల్లీ బౌల‌ర్ల‌కు చుక్క‌లు చూపించాడు. కేవ‌లం 36 బంతులు ఎదుర్కొని 67 ర‌న్స్ చేశాడు. సెంచ‌రీ హీరో హెన్రీ బ్రూక్ మ‌రోసారి నిరాశ ప‌రిచాడు. గోల్డెన్ డ‌కౌట్ గా వెనుదిరిగాడు. ఇక మార్క్ర‌మ్ 10 ప‌రుగులు మాత్ర‌మే చేశాడు.

అనంత‌రం మైదానంలోకి వ‌చ్చిన హెన్రిచ్ క్లాసెన్ అభిషేక్ శ‌ర్మ‌తో క‌లిసి ప‌రుగులు పెట్టించాడు స్కోర్ బోర్డును. కేవ‌లం 27 బంతులు మాత్ర‌మే ఎదుర్కొన్న క్లాసెన్ 53 ప‌రుగుల‌తో క్లాసిక్ ఇన్నింగ్స్ ఆడాడు. దీంతో నిర్ణీత 20 ఓవ‌ర్ల‌లో హైద‌రాబాద్ 197 ర‌న్స్ చేసింది.

198 ప‌రుగుల ల‌క్ష్యంతో బ‌రిలోకి దిగిన ఢిల్లీ క్యాపిట‌ల్స్(DC vs SRH IPL 2023) కెప్టెన్ డేవిడ్ వార్న‌ర్ వికెట్ ను కోల్పోయింది. మ‌నోడు గోల్డెన్ డ‌కౌట్ గా వెనుదిరిగాడు. మైదానంలోకి వ‌చ్చిన ఫిలిప్ సాల్ట్ 59 ర‌న్స్ తో ఆక‌ట్టుకున్నాడు. మిచెల్ మార్ష్ 66 బంతుల్లో 112 ప‌రుగుల భాగ‌స్వామ్యంతో ప్ర‌త్య‌ర్థి జ‌ట్టుకు చుక్క‌లు చూపించారు. 9 ప‌రుగుల తేడాతో స‌న్ రైజ‌ర్స్ హైద‌రాబాద్ గ్రాండ్ విక్ట‌రీని న‌మోదు చేసింది.

Also Read : హెన్రిచ్ క్లాసెన్ సెన్సేష‌న్