Emmanuel Lenain : కోహ్లీని క‌లిసిన ఫ్రెంచ్ రాయ‌బారి
ఫిలిం ఫెస్టివ‌ల్ లో పాల్గొనే ఛాన్స్
Emmanuel Lenain : ఫ్రెంచ్ రాయ‌బారి ఇమ్మాన్యుయేల్ లెనైన్(Emmanuel Lenain) భార‌త క్రికెట్ జ‌ట్టు స్టార్ ప్లేయ‌ర్ విరాట్ కోహ్లీతో పాటు ఆయ‌న భార్య అనుష్క శ‌ర్మ‌ను క‌లుసుకున్నారు. రాయ‌బారి లెనైన్ తో పాటు ఆయ‌న స‌తీమ‌ణి కూడా ఉన్నారు. కోహ్లీ దంప‌తుల‌తో క‌లిసిన విష‌యాన్ని స్వ‌యంగా వెల్ల‌డించారు ట్విట్ట‌ర్ లో. ఈ మేర‌కు ఇందుకు సంబంధించిన ఫోటోల‌ను షేర్ చేశారు. కోహ్లీ దంప‌తుల‌ను క‌ల‌వ‌డం త‌న‌ను సంతోషానికి గురి చేసింద‌ని తెలిపారు లెనైన్. రాబోయే టోర్నమెంట్ ల‌లో విరాట్ కోహ్లీ అద్భుతంగా రాణించాల‌ని కోరుకుంటున్న‌ట్లు తెలిపారు.
త‌మ దేశం ఫ్రాన్స్ లో త్వ‌ర‌లో ప్ర‌తిష్టాత్మ‌కంగా నిర్వ‌హించే కేన్స్ ఫిలిం ఫెస్టివ‌ల్ గురించి విరాట్ కోహ్లీ, అనుష్క శ‌ర్మ‌ల‌తో సుదీర్ఘ చ‌ర్చ‌లు జ‌రిపామ‌ని తెలిపారు ఫ్రెంచ్ రాయ‌బారి ఇమ్మాన్యుయేల్ లెనైన్(Emmanuel Lenain) . కోహ్లీ జంట‌ను ఫెస్టివ‌ల్ కు రావాల‌ని కోరిన‌ట్లు స్ప‌ష్టం చేశారు. ఇందుకు సంబంధించి వారు కూడా స‌మ్మ‌తి తెలిపార‌ని పేర్కొన్నారు.
అద్భుత‌మైన ప్ర‌తిభా పాట‌వాలు క‌లిగి ఉన్న విరాట్ కోహ్లీతో(Virat Kohli) మాట్లాడ‌టం అద్భుతంగా అనిపించింద‌ని తెలిపారు ఫ్రెంచ్ రాయ‌బారి. త‌మ దేశానికి ర‌మ్మ‌ని కోరామ‌ని వారు కూడా హాజ‌ర‌య్యేందుకు చాలా ఉత్సుక‌త‌ను క‌న‌బ‌ర్చార‌ని పేర్కొన్నారు.
ఇదిలా ఉండ‌గా ప్ర‌తి ఏటా ఫ్రాన్స్ దేశం అత్యంత ప్ర‌తిష్టాత్మ‌కంగా కేన్స్ లో ఫిలిం ఫెస్టివ‌ల్ ను నిర్వ‌హించ‌వ‌డం ఆన‌వాయితీగా వ‌స్తోంది. ప్ర‌పంచ వ్యాప్తంగా అత్యున్న‌త‌మైన సినిమాలు ఇందులో ప్ర‌ద‌ర్శిస్తారు. దిగ్గ‌జ న‌టీన‌టులతో పాటు ఇత‌ర ప్ర‌ముఖులు కూడా హాజ‌ర‌వుతారు.
Also Read : ఈసారైనా శాంస‌న్ రాణించేనా