Green Tilak Varma : గ్రీన్ షాన్ దార్ తిల‌క్ సూప‌ర్

Green Tilak Varma : ఐపీఎల్ 16వ సీజ‌న్ లో భాగంగా హైద‌రాబాద్ లో జ‌రిగిన కీల‌క లీగ్ పోరులో మొద‌ట బ్యాటింగ్ చేసింది ముంబై ఇండియ‌న్స్ . నిర్ణీత 20 ఓవ‌ర్ల‌లో 5 వికెట్లు కోల్పోయి 192 ప‌రుగులు చేసింది. స‌న్ రైజ‌ర్స్ హైద‌రాబాద్ ముందు 193 ప‌రుగుల భారీ టార్గెట్ ముందుంచింది. హైద‌రాబాద్ బౌల‌ర్ల‌కు చుక్క‌లు చూపించాడు కెమ‌రాన్ గ్రీన్(Green). ఆకాశ‌మే హ‌ద్దుగా చెల‌రేగాడు. త‌న బ్యాట్ నుంచి క‌ళ్లు చెదిరే షాట్స్ తో ఆక‌ట్టుకున్నాడు.

ముంబై కెప్టెన్ రోహిత్ శ‌ర్మ 18 బంతులు ఆడి 28 ర‌న్స్ చేశాడు. త‌న ఐపీఎల్ కెరీర్ లో 6 వేల ప‌రుగులు పూర్తి చేశాడు. మ‌రో ఓపెన‌ర్ ఇషాన్ కిష‌న్ 31 బాల్స్ ఎదుర్కొని 38 ర‌న్స్ చేశాడు. మూడో వికెట్ రూపంలో వ‌చ్చిన క‌మేరున్ గ్రీన్ దుమ్ము రేపాడు. హైద‌రాబ‌ద్ బౌల‌ర్ల భ‌ర‌తం పట్టాడు. 40 బంతులు ఎదుర్కొని 60 ర‌న్స్ చేశాడు. ఫోర్లు, సిక్స‌ర్ల మోత మోగించాడు.

స్థానిక ఆట‌గాడు తిల‌క్ వ‌ర్మ(Tilak Varma) మ‌రోసారి మెరిశాడు. కేవ‌లం 17 బంతులు ఎదుర్కొని 37 విలువైన ప‌రుగులు జోడించాడు. 18వ ఓవ‌ర్ లో న‌ట‌రాజ‌న్ వేసిన ఓవ‌ర్ లో వ‌రుస‌గా 3 ఫోర్లు ఓ సిక్స‌ర్ బాదాడు గ్రీన్. ఇక సూర్య కుమార్ యాద‌వ్ మ‌రోసారి నిరాశ ప‌రిచాడు. కేవ‌లం 7 ప‌రుగులు మాత్ర‌మే చేశాడు.

Also Read : హిట్ మ్యాన్ అరుదైన ఘ‌న‌త