GT vs RR IPL 2023 : స‌మ ఉజ్జీల పోరుకు సై
గుజ‌రాత్ రాజ‌స్థాన్ నువ్వా నేనా
GT vs RR IPL 2023 : ఐపీఎల్ 16వ సీజ‌న్ లో అహ్మ‌దాబాద్ వేదిక‌గా డిఫెండింగ్ ఛాంపియ‌న్ గుజ‌రాత్ టైటాన్స్ తో ఫైన‌ల్ లో ఓట‌మి పాలైన రాజ‌స్థాన్ రాయ‌ల్స్ ఆదివారం పోటీ ప‌డ‌నున్నాయి. అటు బౌలింగ్ లోనూ ఇటు బ్యాటింగ్ లోనూ ఇరు జ‌ట్లు బ‌లంగా ఉన్నాయి.
ఇరు జ‌ట్లు ఇప్ప‌టి వ‌ర‌కు 4 మ్యాచ్ లు ఆడాయి. 3 మ్యాచ్ ల‌లో గెలుపొంద‌గా ఒక మ్యాచ్ లో ప‌రాజ‌యం పాల‌య్యాయి. ఇక జాబితా ప‌రంగా చూస్తే మెరుగైన ర‌న్ రేట్ కార‌ణంగా రాజ‌స్థాన్ రాయ‌ల్స్(GT vs RR IPL 2023) టాప్ లో కొన‌సాగుతుండ‌గా మూడో స్థానంతో స‌రి పెట్టుకుంది గుజ‌రాత్ టైటాన్స్.
మ‌హేంద్ర సింగ్ ధోనీ సార‌థ్యంలోని చెన్నై సూప‌ర్ కింగ్స్ పై ఉత్కంఠ భ‌రిత విజ‌యాన్ని న‌మోదు చేసింది రాజ‌స్థాన్ రాయ‌ల్స్. అదే ఊపును కొన‌సాగించాల‌ని అనుకుంటోంది. ఇక పంజాబ్ కింగ్స్ ఎలెవ‌న్ జ‌ట్టుతో జ‌రిగిన మ్యాచ్ లో ఆశించిన విధంగా తాము ఆడ‌లేక పోయామ‌ని విక్టరీ సాధించినా తాను సంతృప్తి చెంద‌డం లేదంటూ పేర్కొన్నాడు గుజ‌రాత్ టైటాన్స్ స్కిప్ప‌ర్ హార్దిక్ పాండ్యా.
ఇవాళ రెండు మ్యాచ్ లు జ‌ర‌గ‌నున్నాయి. మ‌ధ్యాహ్నం ముంబై తో కోల్ క‌తా పోటీ ప‌డ‌నుండ‌గా రాత్రి 7.30 గంట‌ల‌కు గుజ‌రాత్ తో త‌ల‌ప‌డ‌నుంది రాజ‌స్థాన్ రాయ‌ల్స్. ఇరు జ‌ట్ల మ‌ధ్య హోరా హోరీగా పోరాటం జ‌ర‌గ‌నుంది. ఇప్ప‌టి వ‌ర‌కు ఐపీఎల్ లో ఇరు జ‌ట్లు రెండు సార్లు త‌ల‌ప‌డ్డాయి. గుజ‌రాత్ గెలుపొందింది.
Also Read : ల‌క్నోపై పంజాబ్ థ్రిల్లింగ్ విక్టరీ