Harbhajan Singh : దినేష్ కార్తీక్ కు భ‌జ్జీ స‌పోర్ట్

Harbhajan Singh : భార‌త క్రికెట్ జ‌ట్టు మాజీ స్పీన్న‌ర్ , ఆప్ ఎంపీ హ‌ర్భ‌జ్ సింగ్(Harbhajan Singh) అలియాస్ భ‌జ్జీ సంచ‌ల‌న కామెంట్స్ చేశాడు. ప్ర‌స్తుతం జ‌రుగుతున్న ఐపీఎల్ 2022లో స‌త్తా చాటుతున్న రాయ‌ల్ ఛాలెంజ‌ర్స్ బెంగ‌ళూరు ఆట‌గాడు దినేష్ కార్తీక్ పై ఆస‌క్తిక‌ర వ్యాఖ్య‌లు చేశాడు.

ఇప్ప‌టికే క్రికెట్ దిగ్గ‌జం సునీల్ మ‌నోహ‌ర్ గ‌వాస్క‌ర్ కార్తీక్ కు పూర్తి మ‌ద్ద‌తు ప్ర‌క‌టించాడు దినేష్ కు. ఆర్సీబీ గెలిచిన మ్యాచ్ ల‌లో కీల‌క ఇన్నింగ్స్ లు ఆడాడు. అంతే కాదు వికెట్ కీప‌ర్ గా మంచి మార్కులు కొట్టేశాడు.

ఇదిలా ఉండ‌గా త‌న జీవిత కాలంలో భార‌త జ‌ట్టు త‌ర‌పున టీ20 వ‌ర‌ల్డ్ క‌ప్ లో ఆడాల‌ని ఉంద‌ని త‌న మ‌న‌సులోని కోరిక‌ను బ‌య‌ట పెట్టాడు. ఇదిలా ఉండ‌గా త్వ‌ర‌లోనే ఆస్ట్రేలియా వేదిక‌గా ప్ర‌పంచ క‌ప్ జ‌ర‌గ‌నుంది.

భార‌త జ‌ట్టు అన్ని విభాగాల‌లో బ‌లంగా ఉన్న‌ప్ప‌టికీ ఈసారి ఎలాగైనా టైటిల్ ఎగ‌రేసుకు పోవాల‌ని అనుకుంటోంది. ఈ త‌రుణంలో జ‌ట్టు ఎంపిక అనేది బీసీసీఐ సెల‌క్ట‌ర్ల‌కు త‌ల‌కు మించిన భారంగా మారింది.

ఈసారి ఐపీఎల్ లో యువ ఆట‌గాళ్ల‌తో పాటు సీనియ‌ర్లు సైతం రాణించారు. త‌మ అద్భుత‌మైన ఆట తీరుతో ఆక‌ట్టుకున్నారు. దీనిని దృష్టిలో ఉంచుకుని హ‌ర్భ‌జ‌న్ సింగ్ జ‌ట్టు ఎంపిక‌లో త‌ప్ప‌నిస‌రిగా దినేష్ కార్తీక్ ను కూడా ప‌రిగ‌ణ‌లోకి తీసుకోవాల‌ని సూచించాడు.

అత‌డి అవ‌స‌రం జ‌ట్టుకు ఉంద‌ని స్ప‌ష్టం చేశాడు. ఇదిలా ఉండ‌గా ఐపీఎల్ 2022లో 13 మ్యాచ్ లు ఆడిన దినేష్ కార్తీక్ ఇప్ప‌టి దాకా ఆర్సీబీ త‌ర‌పున 285 ప‌రుగులు చేశాడు. ఎనిమిది సార్లు నాటౌట్ గా ఉన్నాడు. అత‌డి స్టైక్ రేట్ 57 గా ఉంది.

Also Read :  ఉమ్రాన్ మాలిక్ పై అక్మ‌ల్ కామెంట్