Project-K Movie : ప్రాజెక్టు -కె పై భారీ అంచ‌నాలు

Project-K Movie : యావ‌త్ సినీ లోకం మొత్తం ప్ర‌భాస్ త‌దుప‌రి చిత్రం ప్రాజెక్టు -కె పై నిలిచింది. కార‌ణం మ‌హాన‌టి ద‌ర్శ‌కుడు నాగ్ అశ్విన్ దీనికి ద‌ర్శ‌క‌త్వం వ‌హించ‌డం. ఇందులో మోస్ట్ పాపుల‌ర్ న‌టులు న‌టిస్తుండ‌డంతో అంచ‌నాలు మ‌రింత పెరిగాయి. ప్ర‌భాస్ తో పాటు అందాల ముద్దుగుమ్మ దీపికా ప‌దుకొనే, బిగ్ బి అమితాబ్ బ‌చ్చ‌న్ , లోక నాయ‌కుడు క‌మ‌ల్ హాస‌న్ , దిశా ప‌టానీ న‌టిస్తున్నారు.

వీఎఫ్ ఎక్స్ లో సినిమా భారీగా ఉంటుంద‌ని నిర్మాత‌లు చెబుతున్నారు. ప్రాజెక్టు -కె(Project-K) మూవీకి మిక్కీ జే మేయ‌ర్ సంగీతం అందిస్తున్నారు. ఇప్ప‌టికే మ‌హాన‌టి సినిమా ద్వారా త‌న‌కంటూ ఓ స్పెష‌ల్ ఇమేజ్ ను స్వంతం చేసుకున్న నాగ్ అశ్విన్ నుంచి వ‌స్తున్న చిత్రం కావ‌డంతో ఎంతో ఉత్కంఠ‌కు లోన‌వుతున్నారు డార్లింగ్ ఫ్యాన్స్.

ఇప్ప‌టికే ప్ర‌భాస్ న‌టించిన ఆది పురుష్ వివాదాస్పంగా నిలిచింది. అయినా భారీ ఎత్తున క‌లెక్ష‌న్స్ కొల్ల‌గొట్టింది. ఇక చిత్రానికి సంబంధించిన పోస్ట‌ర్లకు భారీ ఆద‌ర‌ణ ల‌భించింది. ఇదిలా ఉండ‌గా తాజాగా ప్ర‌ముఖ ద‌ర్శ‌కుడు త‌మ్మారెడ్డి భ‌ర‌ద్వాజ సంచ‌ల‌న కామెంట్స్ చేశారు. ఒక‌వేళ ప్రాజెక్టు కె గ‌నుక విడుద‌లైతే తొలి రోజే క‌నీసం ప్ర‌పంచ వ్యాప్తంగా రూ. 1,000 కోట్లు వ‌సూలు చేయ‌డం ఖాయ‌మ‌ని జోష్యం చెప్పారు. ప్ర‌స్తుతం ఆయ‌న చేసిన కామెంట్స్ క‌ల‌క‌లం రేపుతున్నాయి.

Also Read : Tirumala : శ్రీ‌వారి ఆదాయం రూ. 3.75 కోట్లు