ICC T20 Womens Team : ఐసీసీ మ‌హిళ‌ల టీ20 జ‌ట్టు డిక్లేర్

ICC T20 Womens Team : భార‌త మ‌హిళా క్రికెట‌ర్ల‌కు ప్ర‌యారిటీ ఇచ్చింది ఇంట‌ర్నేష‌న‌ల్ క్రికెట్ కౌన్సిల్ (ఐసీసీ) . తాజాగా ఐసీసీ మ‌హిళ‌ల జ‌ట్టును ప్ర‌క‌టించింది. ఇందులో ఏకంగా భార‌త దేశానికి చెందిన న‌లుగురు మ‌హిళా క్రికెట‌ర్ల‌కు(ICC T20 Womens Team) చోటు ద‌క్కింది. ఒక ర‌కంగా భార‌త జ‌ట్టుకు ఇది శుభ ప‌రిణామం అని చెప్ప‌క త‌ప్ప‌దు.

సోమ‌వారం అధికారికంగా ఐసీసీ ట్విట్ట‌ర్ వేదిక‌గా టీమ్ ను వెల్ల‌డించింది. 2022 సంవ‌త్స‌రానికి గాను 11 మంది ఆట‌గాళ్ల‌ను ఎంపిక చేసిన‌ట్లు తెలిపింది. ఇదిలా ఉండ‌గా ఈ స‌మ‌ర్థ‌వంత‌మైన టీమ్ కు న్యూజిలాండ్ కు చెందిన మ‌హిళా క్రికెట‌ర్ సోఫీ డేవినే ను స్కిప్ప‌ర్ గా ప్ర‌క‌టించింది.

విచిత్రం ఏమిటంటే టీమిండియా త‌ర‌పు నుంచి ఏకంగా న‌లుగురికి చోటు ద‌క్క‌డం మిగ‌తా జట్ల‌ను విస్తు పోయేలా చేసింది. ఇక ఎంపికైన వారిలో చూస్తే సూప‌ర్ బ్యాట‌ర్ గా ఇప్ప‌టికే పేరు తెచ్చుకున్న స్మృతి మంధాన‌, రీచా ఘోష్ , దీప్తి శ‌ర్మ‌, రేణుకా సింగ్ ఠాకూర్ లు ఉన్నారు.

వీరు ఇటీవ‌లి కాలంలో అద్భుత‌మైన ఆట తీరుతో ఆక‌ట్టుకున్నార‌ని అందుకే వారిని ఎంపిక చేయాల్సి వ‌చ్చింద‌ని ఐసీసీ(ICC T20 Womens Team) తెలిపింది. ఇక ఆసిస్ నుంచి త‌హ్లియా మెక్ గ్రాత్ , ఆష్ గార్డ‌న్ ర్ , బేథ్ మూన్ లు ఉన్నారు. మ‌రో వైపు దాయాది పాకిస్తాన్ జ‌ట్టు నుంచి నిడాదార్ ఒక్క‌రికి ఛాన్స్ ద‌క్కింది. ఇంగ్లండ్ నుంచి సోఫీ , శ్రీ‌లంక నుంచి ఇనోక ర‌ణ వీర‌కు చోటు ద‌క్కింది.

జ‌ట్టు ప‌రంగా చూస్తే సోఫీ డేవినే కెప్టెన్ ,మంధాన‌, మూనే, గార్డ‌న్ ర్ , త‌హ్లియా, నిడా ద‌ర్ , రీచా ఘోష్ , సోఫీ , ఇనోక , రేణుకా సింగ్ ఉన్నారు.

Also Read : ఆ ఒక్క‌టి మార్చుకుంటే నువ్వు తోపు