IND vs HK Asia Cup 2022 : భారీ గెలుపుపై క‌న్నేసిన భార‌త్
భారీ తేడాతో గెలిచేందుకు క‌న్నేసిన ఇండియా
IND vs HK Asia Cup 2022 : యూఏఈ వేదిక‌గా జ‌రుగుతున్న ఆసియా క‌ప్ -2022లో దాయాది పాకిస్తాన్ ను ఓడించి ఫుల్ జోష్ లో ఉంది టీమిండియా. బుధ‌వారం లీగ్ మ్యాచ్ లో భాగంగా హాంకాంగ్ జ‌ట్టుతో(IND vs HK Asia Cup 2022) త‌ల‌ప‌డ‌నుంది.
చివ‌రి బంతి వ‌ర‌కు ఉత్కంఠ భ‌రితంగా సాగింది దాయాది దేశాల మ‌ధ్య మ్యాచ్. హార్దిక్ పాండ్యా అద్భుతమైన ప్ర‌దర్శ‌న‌తో ఆక‌ట్టుకున్నాడు. 3 వికెట్లు ప‌డ‌గొట్టాడు.
33 ర‌న్స్ చేసి విజ‌యంలో కీల‌క పాత్ర పోషించాడు. ప్లేయ‌ర్ ఆఫ్ ది మ్యాచ్ గా ఎంపిక‌య్యాడు. టోర్నీలో భాగంగా గ్రూప్ -ఎ-లో హాంకాంగ్ త‌ల‌ప‌డ‌నుంది.
జ‌ట్ల ప‌రంగా చూస్తే పూర్తి ఆధిక్యంలో ఉంది భార‌త జ‌ట్టు. అత్యంత అనుభ‌వం, త‌ల‌పండిన ఆట‌గాళ్లతో నిండి ఉంది. అటు బౌలింగ్ లో ఇటు బ్యాటింగ్ లో స‌త్తా చాటుతోంది.
ఒక ర‌కంగా చెప్పాలంటే ఎలాంటి అనుభ‌వం లేని హాంకాంగ్ తో జ‌ర‌గ‌బోయే ఈ మ్యాచ్ న‌ల్లేరు మీద న‌డకేన‌ని చెప్ప‌క త‌ప్ప‌దు. ఇక ప‌సికూన‌లు ఏ మేర‌కు త‌ట్టుకుంటార‌నే దానిపై చ‌ర్చ జ‌రుగుతోంది.
ఈ మ్యాచ్ లో భారీ స్కోర్ చేస్తుందా లేక త‌క్కువ స్కోర్ కే ప‌రిమితం చేస్తుందా అన్న‌ది తేలాల్సి ఉంది. మొత్తంగా ఈ మ్యాచ్ పై కూడా క్రికెట్ అభిమానులు పెద్ద ఎత్తున ఆశ‌లు పెట్టుకున్నారు.
తాము అభిమానించే ఆటగాళ్లు ఏ మేర‌కు రాణిస్తారు. ఎవ‌రెవ‌రు రికార్డులు బ‌ద్ద‌లు కొడ‌తార‌నే దానిపై కామెంట్స్ చేస్తున్నారు. సోష‌ల్ మీడియాలో తెగ ట్రోల్ చేస్తున్నారు. క‌మాన్ ఇండియా అంటూ పిలుపు ఇస్తున్నారు.
Also Read : డిస్నీ హాట్ స్టార్ జీ గ్రూప్ ఒప్పందం